SAM 81:3 - Khumi Common Language Bible

³ Losi kani hawi lo-um kani pawi sa ai nai molam baw eng u.

SAM 81:3 Iomraidhean Croise

2 ARENG KEH 4:23

Juvo my, “Ati mana nai y vaini chei ai nai ngai lawh mo? Vaini ly anawn kani ny y, losi pawi kani py ny y be,” napi. Aju my, “Huna nai ny y i py, aly by y leang,” nanai pathang.

1 NENG SATANG 15:16

Samrang Davida ly Tarochi, sa-rachi beu iy amo theu ai hawi nai khulymchi thui ai nai, Levi theaung bawibawichi teng y kalop pei ai, nanai nichi i luchi teng y leu pei bo.

1 NENG SATANG 16:42

Palo nai khulym thui nai thym khala, Heman hawi Jeduthun nini ly baw, sa-ra hawi takhra katyn kapauchi beu naira py lu sa. Jeduthun nupai theung i khumichi ly katheu pa-kho typ naichi ne.

1 NENG SATANG 16:6

pathyp pi nai keung Benaia hawi Jahaziela nini my bawchi ai, Leu Maikawm Pawm mo y eng hawi nai ne.

1 NENG SATANG 25:1

Davida my Levi theaung miteaung kehchi ly chiu sa naira y lu sa ai nai Asap, Heman hawi Jeduthun nupaichi ai vawi takhra u bo. Nichi ly taro katyn, sa-ra katynchi hawi amkawm iy, Tameuh i leu thui u. Chiu sa naira y lu sa ai nai vawi takhra naichi hawi, nichi i sa ai nai kalopchi ly anui

2 NENG SATANG 13:12

Tameuh ly kaichi ai lu sa iy pahawi nai keung ne. Mymy i pathyp pi nai keungchi py kaichi tavai tiu ai nai bawchi eng iy, ka-ma-ra patei ai nai angveirym bo. Israela khumichi awi, nangchi i Areng Tameuh hawi acham nai tavai atiu u moh! Nangchi pajau y leang!” napi.

2 NENG SATANG 13:14

Juda chengchi ly nithun mang y khen alengli nai khala, mymychi ai katanmeuh nai niu nai deaungkho y, Areng teng y, “Sabawm kyh ba,” nanai aeu u. Pathyp pi nai keungchi ly bawchi eng u.

2 NENG SATANG 2:4

Kai ly kaimy i Areng Tameuh ai chiu ai nai Achura yhm sa ai. Huni Achura yhm ly kai hawi kaimy i khumichi chiu sa ai nai meingtym lawm ai. Huni Achura yhm theung y rimui mui katuichi leng patlum iy, khai takhra nai tako avawrei talam naimy, dym tlei, khawn tlei, anawn kani, lo si pawi kani hawi kaichi i Areng Tameuh ai tahm pasang nai takhra kani kachaichi neng khala, leng patlum nai kapathyprachi talam ai nai ne. Areng ly Israela khumichi teng y hina nai kamta sa jojo ai nai leu pei bo.

2 NENG SATANG 8:13

Ni ly Mosi i reita kamta anawn kanichi, lo si pawi kanichi hawi, sanengrei y tlenrei sa nai pawi thomrei, angbo abawi y nai pawi, chohboleh pawi hawi Taichy pawichi khala, leng patlum nai kapathyprachi talam nai ne.

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 33:2

Tarochi beu iy Areng ai palo u. Vui horei awm nai katyn kapau hawi, mymy i mo y khulym thui u.

SAM 98:6

Bawchi hawi atu-tangchi eng iy, achi i samrang, Areng i mo y amo theu naimy aeu u.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

Kati Nai 15:3

“Nangchi ly Areng teng y leng patlum nai kapathypra mo, vaineng lawi y ai nai kapathypra mo, paleung kangai kapathypra mo, sa reng nai reita pawichira y apathyp nai katalamra mo, talam nai khala y, si katai, beram katai, mi-ichi talam pajau. Hini katalamrachi i mui katui ai ly Areng my kawn nai ne.

Kati Nai 28:11

Losi kani ha tleirei, Areng teng y no-na by y nai si katai beaungjeaung nyhrei, beram katai harei hawi sanengrei awm khyh nai beram katai saryhrei leng patlum ai nai tla.

Leu Thui Nai 16:15

Nangchi i Areng Tameuh ai palo nai hini pawi ly kani saryh ryrei, chiu naira meingtym harei khyh naira y sa u ai nai tla. Areng my amtheaung hai nai deaungkho y, nangchi ly amti amjang pakym nai deaungkho y py, nangchi kalop eaung nai deaungkho y py, amo theu nai pawi so u.

KOLOSA 2:16

Hunaibaly cha nai molam y mo, nei nai molam y mo, pawi kani molam y mo, lo si nai molom y mo, anawn kani molom y mo nangchi ai ami py cheh moh sy;