SAM 8:4 - Khumi Common Language Bible

⁴ Huna nai y khumi ly ati mana nai lawm iy, nang ly ni ai pany pi jo nai mo? Khumi ly ati mana nai lawm iy, nang ly ni ai kry pi lawh mo?

SAM 8:4 Iomraidhean Croise

ATITI AWM ANGCHEI NAI 1:1

Tameuh my angchei y khusangdeaungdu ai sa nai khala,

ATITI AWM ANGCHEI NAI 1:14

Naibaly Tameuh my, “Vum hawi kani thun taprei ai nai kanichi, sanengchi, reita pawichi khai takhra ai nai kani khusangra kangvangchi awm sy;

ATITI AWM ANGCHEI NAI 19:35

Huni dym y ampo ai kreip hang nei hai hawi bi i, amnau ly ampo hawi i ahawi bo: ampo ly pavui ala nai y ati sai py pany y.

ATITI AWM ANGCHEI NAI 21:1

Areng ly mymy i leu adeu nai kamta Sarah ai amtheaung hai bo.

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

JOBA 25:6

Hunai deaungkho y thaideaung hawi mipo kamta lawm nai khumi ly Tameuh i mo y ati thui bira awm rai mo?

JOBA 7:17

Khumi ly ati mana nai khumi ne iy, nang ly ni ai hina tanrei dawn hai lawh mo? Ni i sa nai leaungsaichi ai, ati mana nai y tahm pateng lawh mo?

SAM 106:4

Aw Areng, nangmy i khumichi ai sabawm nai khala y, kai ai py pany ba; nichi ai atleu nai khala y kai ai py atleu rau ba.

SAM 136:5

Mymy ly cheng naira hawimy kani khusang ai sa; mymy i tamen nai ly deungtasarei ne.

SAM 136:9

Lo hawi ka-sichi ai sa nai ly vum y peang hai ai nai sa nai ne; mymy i tamen nai ly deungtasarei ne.

SAM 144:3

Aw Areng, khumi ly ati mana nai khumi nai y nang ly ni ai tahm khai ai nai tla lawh mo? Khumicho ly ati mana nai khumi nai y, nang ly ni ai dawn patyp ai nai tla lawh mo?

SAM 146:3

Khumichi i lu sa nai keungchi ai ym u moh; mani khumicho ly nangchi ai atleu pajau y leang.

SAM 19:2

Hini satang ai kani y kanirei, vum y vumrei thai hai pateang bo.

SAM 4:2

Khumichi awi, nangchi ly kai ai mana tanrei mei angai u y ai mo? Nangchi ly ati sai py ny y nai ai manatanrei ngai u iy, teng y nai mang y abang u ai a?

SAM 80:17

Nangmy vawi takhra nai khumichi hawi atho awm pa-rei nangmy palum nai khumichi ai amo hai kyh ba.

SAM 96:5

Takhra khumi bawibawichi i tameuhchi ly mynchi teu; na i py Areng ly kani khusang sa nai keung ne.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

ISAIA 40:17

Khumi cheng cheaungkhangchi ly mymy i mo y ati sai py ny y leang.

ISAIA 51:12

Areng my, “Nangchi ai atho kawi angym hai nai keung ly kai ne. Acha keung tanrei heng sau khyh nai dei thai nai amjy khumi ai, nangchi ly ati mana nai jei u nai mo?

Ezekiela 8:15

Mymy ly “Nang khumi cho awi, hunichi ai niu lo-oh? Huni tleaung y malawn py amso ngai nairachi nang niu bi ai rai,” napi.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

LUKA 1:68

“Israelachi i Areng Tameuh ly palo nai awm sy: Ati mana nai mo nabaly khaileaung palum angchei kha i ka-so

LUKA 19:44

Nang theung i nang i chanauchi hawi nangmy ai py khaileaung y athorei my aphi ai i, nang theung i lengseaung tleangleang nai ha py ang khai ai ny y; nang ly ang de nai neng khala nang pany y nai deaungkho y; huna nai kani ly nang i tlang tleaung y ang tym ai,” napi.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.