SAM 8:2 - Khumi Common Language Bible

² Huni khulym ai ly deaungdichi hawi deaungdi chymplei naichi my thui u. Mymy ly paleung ka-echi kiu i nai lawira nga bo. Mymy ai ka-jo hau naichi ai paka nai ne.

SAM 8:2 Iomraidhean Croise

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 4:4

Nangchi ly jei hyn naimy kamngo so y ai nai amkyn u; nangchi ly ira salo y nangmychi tlairei dawn amcheng iy, hini ai ka-dawn thiu parai naimy dawn patyp u.

SAM 44:16

tahm khai y naimy mei aniu y nai katheu nai leuchi molam y, kai ly tahm anem iy kangji nga jojo nai ne.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 57:6

Paleung ka-echi ly kai ai patiu ai nai py jang u bo; kai ly khrikhri pa-rei paleung mawn naira avum nai ne. Nichi ly kai i tako nai lam y angawm tau u bo; na i py huni angawm theung y mychi naimy tla u nai ne.

THEU NAI 11:7

Na i py Israela chengchi teng y ly khumi hawi, tawnbawichi ai ui malawn py nang ai ny y. Hina nai hawimy kai Areng ly Israela chengchi hawi Aikupta chengchi sala patleh takhra hai nai ly nangchi pany u ai tapi,’ ” napi.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

AMOS 5:9

Mymy ly atho awm nai khumichi hawi nichi i amtangrachi taphra pawn bo.

HABAKKUK 2:20

Areng ly mymy i chai parai nai Achura yhm y awm. Khaileaung pri y awm nai khumi bawibawichi ly mymy i mo y awmnem naimy awm u sy.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 21:16

Naibaly Isu my nichi teng y, “Thai chy: Deaungdi chymplei naichi hawi kanu nei thym naichi i labeaung y theu nai ly nang ly palo naira angym hai bo,’ nanai ly phain u vai y a?” napi.

LUKA 10:21

Hunai thym khyp khala y mymy ly Phailo Kachai y khri pa-rei kawn i, “Aw Ngaai, kani khaileaung Areng, nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang; ne, Ngaai awi, hunai kamta sa ai nai nang ly hawi, nanai pany.

I KORINTH 1:27

Na i py Tameuh my khumi kachengchi ai ly tapheaung thai ai nai, khaileaung pri i atiti cheng y naichi ai vawi lawh veng; naibaly Tameuh my atiti ham naichi ai tapheaung thai ai nai, khaileaung pri i atiti ham y naichi ai vawi lawh veng;

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.