SAM 8:1 - Khumi Common Language Bible

¹ Aw kaichi i Areng Tameuh, nang i tahm asang nai sai ly khaileaung pri verei y niu pajau! Nang ai palo nai khulym raawi ly kani pri mang y khrairei tym na bo.

SAM 8:1 Iomraidhean Croise

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 36:5

Aw Areng, nang i khaw parai nai tamen naira ly kani mang khrairei py, ka-ym awm nai ly tamai salo y khrairei py, tym na bo.

SAM 57:5

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amteng hai kyh ba.

SAM 63:1

Aw Tameuh, nang ly kai i Tameuh ne nai deaungkho y, kai ly nang ai kadeaung nai ne. Kai ly tlang hawi paleung verei, nang ai ajeng naimy kadeaung bo; kai i phailo ly tui by y iy jengha nai khaileaung kamta, nang ai kadeaung bo.

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

SAM 8:9

Aw kaichi i Areng Tameuh, nang i tahm asang nai saichi ly khaileaung pri verei y niu pajau nai ne.

SAM 81:1

Achi ai ama hai nai keung napi nai Tameuh ai amo theu parai naimy palo u; Jakob i Tameuh ai palo nai khulym thui pi u.

SAM 84:1

Ati cheaungkhang sa thai nai keung Areng, nang i Achura yhm y khri pa-rei ajeaung parai!

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

ISAIA 26:13

Kaichi i Areng Tameuh, kaichi ly amichi my ang peang nai avum u ai. Na i py nang leaungrei naini kaichi i Areng ne.

HABAKKUK 3:3

Tameuh ly Edom pri mang dengdairei ang jeu ali teang ai; Chai parai nai Tameuh ly Paran mawi aheung mang dengdairei ang jeu ai. Mymy i phum-ang ly kani khusang y khiu na bo. Khaileaung py mymy ai palo nai raawi hawi kawi na bo.

MATTHAI 22:45

Davida ly mymy ai Areng napi lawh baly, mana nai ni ly chapo ne thai ai mo?” napi.

JOHAN 20:28

Thoma my ni teng y, “Kai i Areng hawi kai i Tameuh,” nanai pathang.

EPHESI 4:10

Kathiu nai keung my ly ati cheaungkhang kawi hai thai ai nai, kani pri meingtym bawibawi salo kangteng y lyn kalau nai ne.)

Leu Thui Nai 28:58

“Nangchi ly hini cha-iu theung y tajiu nai Tameuh i leu pei nai bawibawichi ai paleung hawi verei patawm y i py, nangchi i Areng Tameuh i lyh ai hawi iy ka-jei hawi nai amyn ai tahm khai y i py,

PHILIPI 3:8

Ne khyp, kai i Areng, Krista Isu ai pany naira ly atiti bawibawi tleaung y hawi keh nai deaungkho y ati cheaungkhang py chau naira y kapalawn nai ne.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.