SAM 72:3 - Khumi Common Language Bible

³ Pri theung y tlamsa iy, leu meitang adyh adawi naimy peang sy.

SAM 72:3 Iomraidhean Croise

SAM 65:12

Sui tlai naira y beram kanghuchi, mi-i kanghuchi awm nai ne; mawi aheungchi ly amo theu naimy awm bo.

SAM 72:16

Pri theung y teicha teinei awm ma mang sy; Lebanon mawi y ly dengkeaung thengreungchi hawi, vengkhiu naimy awm nai kamta, mawichi ly amti amjangchi hawi kawi na naimy awm sy; mary kalenchira y awm nai khumi vuikanai ly adym angdengra y prau nai acha kamta peung sy.

ISAIA 45:8

Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 60:17

“Kai ly nang ai kheupaja jeng y muku, tamo jeng y tangka, dengkeaung jeng y kheupaja kang pei ai. Nang ly lengseaung jeng y tamo nga ai. Nangchi ai peang nai keungchi ai adyh adawi nai hawi tlamsa naimy peang hai ai.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.