SAM 71:3 - Khumi Common Language Bible

³ Nang ly kai i abyhra lengseaung pui ne; kai ai ama hai ai nai molam y, khaw parai nai lengseaung apai lawm ba; nang ly ai i abyhra, kai ai ama hai nai keung ne.

SAM 71:3 Iomraidhean Croise

SAM 144:2

Mymy ly kai ai ama hai nai kai i apai; kai i khengsi apai, kai ai atleu keung, kai i abyhra khupui ne. Mymy ly khumi cheng cheaungkhangchi ai kai i kiu anui y tym hai bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 18:3

Kai ly Areng teng y kahnei nai khala, mymy ly kai ai paleung ka-echi kiu i nai atleu bo. Areng ai ly palo u!

SAM 42:8

Kanithun neng khala y Areng ly mymy i khaw parai nai tamen naira patei pi na sy; naibaly vum aneng khala kai ly khulym thui iy, kai ai hengra pei nai keung Tameuh teng y chiu kasa pajau ai.

SAM 44:4

Nang ly kai i samrang, kai i Tameuh ne; nang i khumichi ai eaung naira pei pi bo.

SAM 68:28

Aw Tameuh, samrangchi my nang teng y langseaungchi talam naira y,

SAM 89:27

Kai ly ni ai kai i chapo chalu kapalawn ai; phum-ang len keh nai samrang lawm hai ai.

SAM 90:1

Aw Areng, nang ly deungtasarei kaichi i abyhra yhm ne.

SAM 91:9

Areng ly nang ai ama hai nai keung ne, nanai py, tahm asang keh nai keung ly nang i abyhra ne, nanai py nang pany ai i,

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 33:16

Huna i naini nangchi ly ka-dawn eaung iy, khaw parai nai lengseaung yhm y awm nai kamta chymme ai. Cha nei ai nai teicha teineichi py nga u ai.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.