SAM 7:9 - Khumi Common Language Bible

⁹ Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

SAM 7:9 Iomraidhean Croise

ATITI AWM ANGCHEI NAI 20:5

Abraham my py kai i tuicho teu, neampachy mymy py kai i ampro teu, nanai thui bo. Kai ly paleung kachai hawi sa nai ne; kai tamang y leang,” napi.

1 ARENG KEH 8:32

Aw Areng, kani pri mang dengdairei tangai pi iy, nang i miseaungchi ai tara chih pi kyh ba. Kamngo awm nai khumi ai ly avo nai kamta pajeng iy, kamngo by y nai khumi ai ly kamngo lawi hai pi kyh ba.”

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 10:15

Khumi aso y naichi hawi khumi hawi y naichi i sa thai naira ai khei pi pawn ba. Nichi ly hawi y nairachi so ali bi y pa-rei kamngo pajeng pi kyh ba.

SAM 10:18

Ana patangra avum nai khumichi hawi nurochi ai, mo mang y pajei bi y ai nai, nang ly nichi i aeu nai raawi tangai pi iy, nichi hawi ai nai molam tara chih pi ai.

SAM 11:5

Mymy ly khumi kahawi ai py, khumi hawi y nai ai py, chih pi nai ne. Leu meitang teaung y naimy sa nai khumichi ai pipi niu ngai y.

SAM 139:1

Aw Areng, nang ly kai ai cham chum bo i, kai i satang pany bo.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 18:21

Kai ly Areng i reita leu tangai bo; kaimy i Tameuh teng i dengdairei hi vui y leang.

SAM 26:2

Aw Areng, kai ai cham ly chih ba. Kai i ngai naichi hawi paleung ka-dawnchi ai cham ba.

SAM 35:23

Aw Areng, kai i Tameuh, ang thau iy kai i hawi nai satang chih pi kyh ba.

SAM 37:23

Areng ly khumichi tako ai avo nai lam patei pi; Mymy khrei nai khumichi ai ama hai bo.

SAM 40:2

Mymy ly ka-jei awm parai nai angawm hawi aneaung kapan theung i nai, kai ai atheu kalau bo. Hunaibaly kai ai lengseaung salo y khai iy, chymme naira ang pei bo.

SAM 43:1

Aw Tameuh, Kai teng y kamngo by y, nanai amthang hai kyh ba. Tameuh ai pany y nai khumichi ai ka-awi sa iy, kai mang y amo hai kyh ba. Tapawp nai hawi khumi hawi y naichi kiu i nai kai ai atleu kyh ba.

SAM 44:21

meitang khyp, nangmy pany ai nai ne. Ati mana nai mo nabaly, nang ly khumichi i dawn paviu nai katauchi pany nai deaungkho y ne.

SAM 58:6

Aw Tameuh, hini si parai nai khrangsi i nuchi ai khei pi vui ba.

SAM 9:9

Areng ly ana patang naira avum naichi i abyhra hawi, ngari kamtang avum nai neng khala chymme naira ne.

SAM 96:10

“Areng ly samrang ne! Mymy ly khaileaung pri y khaw hai nai deaungkho y asyh thai y bo; mymy ly khumi bawibawichi ai leu meitang naimy tara chih ai, nanai khumi cheng cheaungkhangchi teng y thui pi u.

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

SAM 98:9

mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

JEREMIA 11:20

Huna nai khala kai ly “Ati cheaungkhang sa thai keung Areng awi, “Nang ly leu meitang naimy tara chih reng nai keung ne. Khumichi i sa ai tau nai hawi paleung ka-dawnchi ai py, chih reng nai keung ne. Kai ly kaimy i sa naichi ai nang i kiu y kang-au bo. Hunai deaungkho y nichi ai nangmy vawitheung tha nai ly kai ai patei kyh ba,” nanai chiu kasa bo.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 20:12

Na i py ati cheaungkhang sa thai nai keung Areng, nang ly khumichi ai leu meitang naimy chih reng nai keung ne. Nichi i paleung ka-dawnchi pany pi se nai ne. Hunai deaungkho y paleung ka-echi ai nangmy vawitheung tha pi nai ai kai ly niu ai nai ngai. Kai ly kaimy i ka-jo kahm ai nang i kiu y kang au bo.

DANIELA 11:45

Ni ly Achura yhm awm nai mawi hawi, pangli sala y mymy i vui kanih yhm kalenchi sa ai. Na i py mymy ai sabawm ai nai keung by y nai deaungkho y dei ai,” napi.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

1 SAMUELA 16:7

Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.