SAM 7:16 - Khumi Common Language Bible

¹⁶ Hunai deaungkho y nichi ly mychi i hawi y sa nai molam y, pajeng naira avum u bo; mychi i khrukhra nai molam y tamo nga u nai ne.

SAM 7:16 Iomraidhean Croise

1 ARENG KEH 2:32

Kai i ampo Davida pany y naimy sa nai, khumi ai padei nai molam y, Areng ly Juaba y pajeng ai. Juaba ly mymy tleaung y hawi keh nai Israela tavailu areng Abana hawi, Juda tavailu areng Amasa napi nai, kamngo by y nai khumi leaung nyhrei ai padei nai ne.

1 ARENG KEH 21:19

Kai Areng my, ‘nang ly khumi ai padei nai bo y, ni i vawn la pi vui ai a?,’ nanai ni teng y thui pi; ‘Naboth i thi uichi my palei nai meingtym y, nang i thi py palei u ai,’ nanai thui nai leu py ni teng y amti pi!” napi.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

ESTHER 9:25

Na i py Esther ly samrang teng y kun iy hnei takeng nai khala, samrang my leu pei nai cha patheu pi nai deaungkho y, Haman ly Juda chengchi i vui dawn yb nai deira y, mymy naimy avum nai ne. Mymy hawi mymy i chapo leaung horeichi ly akaeu nai yhmmawmra y dei naira avum u.

JOBA 4:8

Khumichi ly sa tamang nai li thawn iy, kamngo ti hei u nai kaniu. Vai i neng khala huni khumichi ly hawi y nai hawi sa tamang nai athaichi pakym u ai nai tla bo.

SAM 141:10

Kai ly deaung ra i nai phrumai by y pa-rei lawira ngo sy; khumi aso y naichi ly mychi i pateung nai deaung ra y man u sy.

SAM 35:8

Na i py nichi ly athang khai y naimy tama u pawn ai. Mychi pateung yb nai deaungra y man u ali teang ai i, mychi tai nai angawm theung y tla iy phra u ai!

SAM 36:12

Khumi kahawichi atlym nai meingtym khen u; nichi ly ang thau pajau y i, huni meingtym y atlym naimy awm u jo ai.

SAM 36:4

Ni ly ira tleaung y aseaung nai thym khala, hawi y naichi dawn tau reng; ni i sa nai ngierei ly hawi y nai cheichei ne. Ni ly hawi y nai ai mana khala py khai su y.

SAM 57:7

Aw Tameuh, kai ly nang ai ym tatang bo; hunai deaungkho y kai ly khulym thui naimy nang ai palo ai!

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

LEU KACHENG 1:19

Atiu alawm nai ly atiu alawm nai khumi ai dei hai jojo reng. Hini ly hawi y sa naira y heng nai khumichi i avum reng nai khym taham ne.

LEU KACHENG 26:27

Khumi takhrachi i vui deaungchi pateung pi nai khumichi ly huni deaungchira y, mymychi ai man lawh nai ne. Khumi takhra i tlang tleang y khaileaung akai hai ai nai sa nai khumi ly mymy i tlang tleaung y akai hai lawh reng nai ne.

Parip nai leu 10:8

Angawm tai nai khumi ly huni angawm theung y tla reng; lengseaung apai taphra nai khumi py pavui my patiu nai avum reng.

1 SAMUELA 23:9

Davida ly mymy ai tiu ai nai Sawla i dawn pasym nai thai nai khala y, pathyp pi nai keung Abiatha teng y, “Ephod hi y jeu hai,” napi.

1 SAMUELA 26:10

Areng mymy khypkhyp malawn py dei ai nai neng tym nai y dei nai py ne sy, tavai keung y dei nai py ne sy, pajeng naira tym hai ai, nanai Tameuh kangheng i saho y kai pany.

1 SAMUELA 28:19

Mymy ly nang hawi vanrei Israela pri ai, Philistia chengchi i kiu y au vui ai. Khawndam nang hawi nang i chapochi ly kai i awm naira y tym u ai. Naibaly Areng ly Israela tavaimichi ai py, Philistia chengchi i kiu y au ai,” napi.