SAM 69:8 - Khumi Common Language Bible

⁸ Kai ly kaimy i amjo amnauchi theung y apany vai y nai kamta py, yhm dengtheungra y pri takhra khumi kamta py lawm bo.

SAM 69:8 Iomraidhean Croise

SAM 31:11

Paleung ka-e bawibawichi ly kai ai panui hai. Yhm deaungpa my mei aniu y nai ang sa u kehkeh bo. Kai hawi apany nai ahawichi ly kai ai jei u nai ne. Kai hawi lam y avum nai khala y, angpreng u pawn bo.

SAM 38:11

Kai i tamo angvawichi molam y ahawichi hawi yhm deaungpachi ly kai i sahawi y ahai u y. Kaimy i yhm dengtheungchi malawn py, kai teng y jeu u y na bo.

SAM 89:51

Aw Areng, nangmy vawi takhra nai samrang ai, nang i paleung ka-echi my khumi aniu y nai sa u lawh ly! Nichi ly ni i chei naira tleirei y, khumi aniu y nai sa u bo.

SAM 89:52

Areng ai ly deungtasarei palo u! Amen! Amen!

ISAIA 50:6

Kai ly kai ai pakhau nai khumichi teng y nithun anam amteng pi nai ne. Kai i labeaung muichi aprei chum baly, kai i meimai y pachi pathawi iy, kai ai nichi my ana nai khala, kai ly nichi ai paka y leang.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

ISAIA 53:4

“Na i py ni ly kaichi avum ai ataing nai ngari kamtang py, kaichi avum ai ataing nai no kamtang py avum bo. Huna nai ni i avum nai no kamtang ly Areng my ni ai pajeng nai ne, nanai kaichi dawn u nai ne.

JEREMIA 15:15

Huna nai khala kaimy, “Nang ly pany nai ne. Kaichi ai pany jo ly sabawm kyh ba. Kaichi ai pahyp y naimy ana nai khumichi ai, vawitheung tha teang ai nai pei kyh ba. Nichi ly kaichi ai padei ai nai neng tym nai pa-rei, neaung kham pi moh. Kaichi i tlang tleaung y mei aniu y nai ly nang deaungkho y ne, nanai pany pi jo kyh ba.

MATTHAI 26:56

Na i py amochi i leu tym thai ai nai hini bawibawi ly tym nai bo he,” napi. Hunai thym khala y ly abangnaichi bawibawi ly mymy ai patlaw su i angpreng pi pawn veng.

JOHAN 1:11

Mymy i khumichi teng y ang jeu i, mymy i khumichi ly ni ai kawn y.

JOHAN 7:5

Mymy i amjo amnauchi raurei py ni ai ym y.

1 SAMUELA 17:28

Davida i amjo kalen Eliaba ly Davida hawi khumichi i arum nai thai nai khala y kado theu i, “Nang ly ati aly hi y jeu nai mo? Daichi ka-vym theung y nang i beramchi ai ly ami my kry mo? Nang i paleung len nai, nang i paleung akhum nai ly kai pany; nang ly tavai ka-tiu khen ai nai jeu nai ngaw khyh!,” napi.