SAM 69:4 - Khumi Common Language Bible

⁴ Kai ai atyhtyh naimy niu ngai y nai khumichi i vuikanai ly kai lura i sam tleaung y malawn py nawi nai ne. Katapawp leu thui iy kai ai ka-jo hau nai khumichi ly atho awm parai nai ne. Kai ai padei ai nai ngai u bo. Kai ly kapaviu y nai vawnsaichi ai, nichi teng y kapei ai nai tla bo.

SAM 69:4 Iomraidhean Croise

SAM 35:19

Kai i paleung ka-e, khumi katapawpchi i sum nai molam y, paleung ateng hai ai nai pei pi moh. Ati sai py ny y naimy kai ai niu ngai y nai khumichi ai ly kai i paleung si nai molam y panui hai ai nai pei pi moh.

SAM 40:12

Kati pajau y na pa-rei nawi parai nai patang nairachi ly kai ai taki na ly! Kai i kamngochi my kai ai hui kai nai deaungkho y, kai ly niu pajau y bo. Huni kamngochi ly kai lura i sam tleaung y nawi parai i, kai ly paleung phra na bo.

SAM 59:3

Kai ai huni khumichi my tiu ai nai ajeng u nai ly khen cham ba! pahyp y naimy ana nai khumichi ly kai ai ang tiu ai nai akachu u bo. Aw Areng, huni khumichi ly kai ai tiu ai nai meingtym la u kaliki nai ly

SAM 6:7

Paleung ka-echi molam y vo nai ly kai i meichi bau na bo. Khen i py hawihai palai niu pajau y leang bo.

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

I PETERA 2:22

Mymy ly kamngo pipi so y leang, mymy i labeaung y py tapawp paryp naira ha py by y;

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;