SAM 69:2 - Khumi Common Language Bible

² Kai ly thiu parai nai aneaung kapan theung y a-up bo; kheu amchynra khaileaung katang by y; kai ly tui kathiu mang y tym na bo; tui sampyhchi ly kai ai ang-um ai bo.

SAM 69:2 Iomraidhean Croise

JOBA 22:11

Kani veng nai deaungkho y, nang ly ati sai py niu pajau y. Lem nanai tavo tui my ly nang ai um vui bo.

SAM 32:6

Hunai deaungkho y nang ai ka-ym awm nai khumichi ly aly aeang nai khala, nang teng y chiu sa hnei takeng ai nai avo nai ne. Khrikhri pa-rei ho nai tui ly nichi teng y tym ai ny y.

SAM 40:2

Mymy ly ka-jei awm parai nai angawm hawi aneaung kapan theung i nai, kai ai atheu kalau bo. Hunaibaly kai ai lengseaung salo y khai iy, chymme naira ang pei bo.

JEREMIA 38:22

Juda samrang i yhm y awm rai nai neampachy ngiereichi ai, Babulon samrang i bangtangchi teng y hawi u vui ai. Nichi ly hina nai theu u nai thym khala, ‘Samrang i ahawi hawi keh naichi ly ni ai li-tapawp iy, ni i tlang tleaung y peang rau bo. Vai ly samrang i kheuchi ly aneaung kapan theung y a-up vui bo i, huni ahawi kahawichi ly ni ai khai u su bo,’ nanai thui u ai,” napi.

JEREMIA 38:6

Hunai deaungkho y bangtangchi ly kai ai pahawi iy, samrang yhm apai theung y awm nai samrang i chapo Malakhia i tuikan theung y, vuinawn hawi pala kathiu bo. Huni tuikan theung y ly tui by y, aneaung kapan awm khyh nai deaungkho y, kai ly aneaung kapan theung y a-up nai ne.

JONA 2:6

Kai ly mawichi kheutang y tym pa-rei py, vawi lam by y nai tavau pri mang y py, anum vui bo. Na i py, aw kai i Areng Tameuh, nang ly kai ai thiu paraira i dengdairei atleu bo.

MATTHAI 7:25

naibaly kani py nai, tui py len, ali py theu i huni yhm ai ly khri pa-rei hm na; na i py lengseaung pui tleaung y anui cheng nai deaungkho y anawi lei y.