SAM 67:7 - Khumi Common Language Bible

⁷ Tameuh ly achi ai amtheaung naira pei bo; khaileaung pri meingtym tleirei y awm nai khumi bawibawichi ly mymy ai jei kaji naimy tahm khai u sy.

SAM 67:7 Iomraidhean Croise

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 33:8

Khaileaung pri khumi bawibawichi awi, Areng ai tahm khai u! Khaileaung pri y awm nai khumi bawibawichi awi, mymy ai jei naimy tahm khai u!

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

Levi 26:4

kai ly neng tym nai khala kani kang nai hai nai deaungkho y, li hlauchira i amti amjangchi theu iy thengthai keungchi athai thawn ai.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

ZEKHARIAH 8:12

Nichi ly mychi i amti amjangchi tlamsa naimy pati u ai. Nichi i kreip keungchi ly athaichi pasu ai. Khaileaung ly amti amjangchi thawn hai iy, kani my py khri pa-rei nai hai ai. Awm rai nai kai i khumichi teng y, hini amtheaung nairachi kapei pi ai.

ZEKHARIAH 9:10

Areng my, “Kai ly Israela pri i tavai keaungngo ka-richi paheng pi vui iy keaungngochi ai Jerusalem mary mang y pahawi ai; Tavai keung y teaung nai thailihochi ai py, kataphra pawn ai. Nangchi i samrang ly pri tleireichi hawi, tavai atiu y ai nai sa chum baly, pangli harei dengdairei, takhra pangli mang py, Euphrat tavo dengdairei, khaileaung pri katem mang y khrairei py peang ai,” napi.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

AMTAW 13:47

Hunai kamta Areng my leu ang pei i, ‘Khuteng taki y tym pa-rei nang paheng keung y awm thai ai nai, Cheng Takhrachi ai angvang hai ai nai keung y kang khai mang,’ nanai tajiu nai kamta ly,” napi.

AMTAW 2:28

Nang ly kai ai heng nai lam patei bo, Nang i meimai my kai ai kawn nai kawi hai ai,’ napi.

KALATIA 3:14

(ati mana nai mo nabaly, “Dengkeaung y dang nai ngierei ly amsawi lawi nai ne,” nanai tajiu nai ne:) hunaibaly achi ly ym naira deaungkho y adeu nai Phailo ly nga pajau ai.

KALATIA 3:9

Hunaibaly ym naira y awm naichi ly ka-ym awm nai Abraham hawi amtheaung hai naira y ly awm teang nai ne.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.