SAM 66:3 - Khumi Common Language Bible

³ “Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

SAM 66:3 Iomraidhean Croise

SAM 18:44

Cheng takhra khumichi ly kai i mo y lu meung u; nichi ly kai i leu pei nai thai nai khala tangai u bo.

SAM 18:45

Nichi ly sorai paleung by y bo i, mychi i khengsi apaichi theung i dengdairei, kaso theu naimy ang thau u bo.

SAM 47:2

Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 68:30

Samji theung i daichi mawi kasi, napi nai Aikupta pri ai parip kyh ba. Si katai beaungjeaungchi hawi, nithun mang abang nai si nu tanglochi, napi nai khumi chengchi ly nang teng y lu meung iy langseaung talam nai pa-rei nichi ai parip ba. Tavai atiu ai ngai nai khumichi ai ahei hai ba.

SAM 76:12

Mymy ly paleung len, amlyh am-e nai samrang i cho chanauchi i paleung panem vui iy, nang parai nai samrangchi ai jei hyn hai ai.

SAM 81:15

Kai ai niu ngai y nai khumichi ly kai i mo y jei kaji naimy, lu meung u ai; nichi ly deungtasarei pajeng naira avum u ai.

THEU NAI 15:21

Mariam my, “Areng ai ly palo u, ati mana nai mo nabaly mymy i nang parai nai hawi eaung naira nga hai nai ne; mymy ly tavai keaungngochi hawi keaungngo atang nai risachi ai pangli tui y anum hai chauchau bo,” nanai khulym adi iy thui nai ne.

ISAIA 2:19

Khaileaung amchyh hai ai nai, mymy jeu nai khala y khumichi ly Areng i kado theu nai, mymy i sa thai naira hawi nang parai naira i nai law tleaungra nga ai nai lengseaung tapiuchi ra y py, khaileaung angawm tai i py aheu u ai.

ISAIA 25:3

Sathai naira haiho len nai khumichi ly nang ai palo u ai. Pahyp y naimy ana nai khumichi awm nai marychi py, nang ai jei naimy awm u ai.

ISAIA 40:26

Kani mang y khen angdeang u! Nangchi niu nai ka-sichi ai ami my sa nai mo? Hunichi ai tavaimichi kamta pahawi nai keung ne. Mymy ly ka-sichi ai kati chum baly amyn pathi iy palau na a! Mymy ly sa thai naira len parai nai deaungkho y, huni ka-sichi ly ha harei py tama, nanai by y.

ISAIA 64:3

Tlenrei khala nang ly jeu iy, kaichi athang khai y nai ka-jeirachi sa pi bo. Mawichi ly nang ai niu i, jei nai paleung hawimy kaso theu u bo.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.