SAM 6:2 - Khumi Common Language Bible

² Aw Areng, kai ly paha naimy awm i, kai ai pahen kyh ba! Atho khei be veng nai deaungkho y, atho angym hai teang kyh ba.

SAM 6:2 Iomraidhean Croise

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

JOBA 19:21

Kai i ahawichi awi! kai ai pahen nai paleung awm u! Tameuh i kiu ly kai ai ang tabeang bo.

JOBA 5:18

Tameuh ly mymy i no pei nai tamo kalemchi ai kanih hawi bam pi. Mymy ly my i kiu hawi pajeng iy, huni kiu hawimy no hawi hai bo.

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

SAM 30:2

Kai i Areng Tameuh, kasabawmra nga ai nai nang teng y kai aeu. Nang ly kai i patang nai rym hai bo.

SAM 31:10

Kai ly paleung si tangam nai deaungkho y, paha na bo. Kavo nai deaungkho y kai i heng nai deung py dawi ai bo. Kai ly kaimy i avum nai ngari kamtang deaungkho y, atho bai na bo. Kai i hiuchi malawn py raw be bo.

SAM 32:3

Kai ly kaimy i kamngochi ai apany hai y, ahui y naimy awm nai khala y, kani khengrei kavo nai deaungkho y, atho khei bo.

SAM 38:2

Nang ly kai ai thailiho hawi ko iy tamo nga hai bo. Nang i kiu my nui i, kai ai atlym hai bo.

SAM 38:3

Nang i kado theu nai molam y kai ly no patang naira avum nai ne. Kaimy i kamngo nai molam y tlang verei no-na man bo.

SAM 38:7

Kai ly keaung kabi len nai deaungkho y, dei vi na bo.

SAM 51:8

Amo theu nai raawichi ai, kai thai ai nai pei kyh ba; nang ly kai ai paleung phra atho di hai teu i py, kai ly amo theu ali teang ai.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

JEREMIA 10:24

Aw Areng, nang i khumichi ai thui parip kyh ba. Na i py kaichi i tlang tleaung y kado theu hai moh kyh ba. Nang i kado theu hai nai thym khala y, kaichi i tlang tleaung y khri pa-rei pajeng lawh baly, kaichi ly tama be ai bo.

JEREMIA 17:14

Aw Areng, nangmy hawi sa pi khala naini, kai i no-na ly hawi pyn ai. Nangmy atleu pi baly kai ly chymme naira angym pa-rei nga ai. Nang ly kai my palo nai keung ne.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

Kati Nai 12:13

Naibaly Mosi ly Areng teng y, “Aw Tameuh, Miriam ai ly hawi so pi teang kyh ba!” nanai aeu naimy hnei takeng pi bo.

MATTHAI 4:24

Naibaly mymy i satang ly Suri pri bawibawi y amthang bo; hunaibaly no naichi bawibawi, ham y naichi, cheaungkhang patang naichi, vawinam my nam naichi, kamthuchi, kamkhyn no naichi ai py mymy teng y hawi i, hawi sa pi bo.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.