SAM 5:8 - Khumi Common Language Bible

⁸ Aw Areng, kai i paleung ka-echi ly khri pa-rei nawi parai! Nang i kangai sa ai nai kai ai lam patei pi kyh ba. Nangmy kai ai tako hai ai ngai nai lam ly thleaungthlang hai kyh ba.

SAM 5:8 Iomraidhean Croise

2 SAMUELA 12:14

Na i py nang i huni kamngo sa tamang nai ly Areng ai khri pa-rei mei aniu y naira tym hai lawh nai deaungkho y, nang i deaungdi ly dei ai,” nanai pany hai chum baly,

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 119:64

Aw Areng, khaileaung pri ly nang i khawi parai nai tamen naira hawimy kawi angym bo; kai ai nang i reita leu pei naichi patiu pi kyh ba.

SAM 138:2

Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

SAM 27:11

Aw Areng, nangmy sa hai ai ngai nairachi kai ai patiu ba. Kai i paleung ka-echi ly nawi parai; Hunai deaungkho y kai ai chymme nai lam mang y pahawi ba.

SAM 31:1

Aw Areng, kai ly nang teng y abyh ai nai ahihawi bo. Kai ai mana khala py sum hai moh kyh ba. Nang ly leu meitang adyh adawi nai Tameuh ne. Kai ai atleu kyh ba; kai ly kang hnei kang takeng nai ne!

SAM 54:5

Kai i paleung ka-echi i hawi y nai sai ly nichi ai pajeng ali teang ai nai Tameuh my so pi sy. Mymy ly ka-ym awm nai deaungkho y, nichi ai tamyh pawn ai.

SAM 59:10

Kai i Tameuh ly kai ai tamen iy, kai teng y ang jeu ai; kai i paleung ka-echi sum u nai ly kai ai niu ai nai ang pei ai.

SAM 86:11

Aw Areng, nang i kangai sa ai nai kai ai leu pei ba; kai ly ka-ym awm naimy tangai ai; nang i kalop ai takhawi y pa-rei sa thai ai nai, kai ai patiu pi kyh ba.

LEU KACHENG 4:25

Nang ly nangmy i hawi naira ai a-ym iy, khumi takhrachi i meimai khen vam sy. Kaji naimy lu meung iy awm moh.

JONA 2:5

Tui ly kai ai takimeuh nai deaungkho y, kai ly taho thai y na bo. Pangli tui ly kai ai um iy, pangli acha keungchi my py, kai i lu y pi na bo.

MATTHAI 3:3

Amo Isaia my, “Daichi ka-vym y aeu nai raawi ly,” “Areng i lamlen so u rym ly, Mymy i lam cheaungkhang pataw u,’ napi,” nanai thui nai ly mymy ne he.

HEBRAI 12:13

naibaly kheu kangbai ly awi hai du y naimy hawihai thai ai nai nangchi i kheu i vui lam ka-dyh so u.