SAM 5:7 - Khumi Common Language Bible

⁷ Kaimy i vui nabaly, nang i tamen naira len parai nai kanga nai deaungkho y, nang i yhm theung y kun pajau; nang i Achura yhm kachai theung y chiu sa naimy nang ai tahm khai nai lu meung pajau.

SAM 5:7 Iomraidhean Croise

1 ARENG KEH 8:35

“Nang ly nangmy i khumichi my nang i tlang tleaung y kamngo sa nai y, parip ai nai kani khang hai vui nai khala, nichi ly uikheih iy Achura Yhm mang y mo tha naimy, tahm apanem nai paleung hawi nang teng y hnei takeng baly,

1 ARENG KEH 8:38

nichi i chiu sa nai ly tangai pi kyh ba. Nang i khumi Israela cheng phyreichi ly khri pa-rei paleung si paleung mawn naimy, hini Achura yhm mang y kiu pheu iy chiu sa hnei takeng lawh baly,

SAM 101:7

Ka-chawi thui nai khumi ly kai i samrang yhm y awm ai nai ngo y ai; khumi kahawi amlawn reng nai khumi ly kai i mo y awm ai nai ngo y ai.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 132:7

“Achi ly Areng i yhm y chei u sina; Areng atehra mo y mymy ai chiu u sina,” nanai achi thui u bo.

SAM 138:2

Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

SAM 28:2

Nang i Achura yhm kachai mang y kiu pheu iy, “Sabawm kyh ba,” nanai kai aeu nai khala, tangai pi kyh ba.

SAM 34:17

Khumi kahawichi ly mymy ai palau u nai khala y, mymy ly pathang pi iy, ngari kamtangchira i nai atleu pi bo.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 52:8

Na i py kai ly Tameuh i yhm sahawi y prau nai olive keung hawi atawm nai ne; kai ly nang i khaw parai nai tamen naira ai deungtasarei ym bo.

SAM 55:16

Kai ly Areng Tameuh teng y, kasabawmra nga ai nai chiu kasa bo; mymy ly kai ai atleu ai.

SAM 69:13

Na i py kai i vui ly aw Areng, nang teng y chiu sa hnei takeng ai; nang i tamen naira len parai nai molam py, atleu pi ai nai nang i leu adeu nai molam py, kang hnei kang takeng nai tangai pi kyh ba. Aw Tameuh, aly ngai nai neng khala y, kai i chiu sa hnei takeng nai pathang pi kyh ba.

SAM 69:16

Aw Areng, nang i khaw parai nai tamen naira ly hawi nai deaungkho y, kai i hnei takeng nai tangai pi kyh ba; nang ly khri pa-rei pahen reng nai deaungkho y, kai mang y amhi iy khen kyh ba!

LEU KACHENG 6:16

Areng i niu ngai y iy, amso ngai nai amjy tariurei, ti y baly amjy saryhrei awm; hunichi ly:- amlyh am-e nai mei harei, Ka-chawi thui reng nai palai harei, kamngo by y nai khumichi ai tleh reng nai kiu harei, hawi y naira ai dawn nai paleung harei, hawi y naira sa ai nai mang y tako kaliki reng nai kheu harei, ka-chawi thui nai, teng y nai pany hai nai harei, ahawi tengtawi ka-jo pakei reng nai khumi leaungrei, hinichi ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 64:11

Nang ai kaichi i amsi pajochi my palo nai, apu parai nai meingtym kachai Achura yhm ly mai y kang veng bo. Kaichi i khrei nai yhm hlau ngiereichi py, phra seaungkhrang veng bo.

DANIELA 6:10

Samrang ly hina nai lamai nip typ chum veng bo, nanai thai nai khala y, Daniela ly yhm y vawi jo bo. Ni i yhm salo sambeura, Jerusalem mary mang mo tha nai thaibeng pa-khochi awm. Ni ly huni sambeura y mymy i sa reng nai kamta, thaibeng pa-kho sahawi y kheukhu di iy, kanirei y tlen thomrei, Tameuh teng y chiu sa nai ne.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.