SAM 5:5 - Khumi Common Language Bible

⁵ Paleung len naichi ly nang i mo y kun ai nai ngo y; nang ly khumi hawi y nai bawibawichi ai niu ngai y bo.

SAM 5:5 Iomraidhean Croise

SAM 1:5

Kamngo sa nai khumichi ly Tameuh my pajeng naira avum ai; nichi ly Tameuh i khumichi theung y abawi u pajau y.

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

SAM 11:5

Mymy ly khumi kahawi ai py, khumi hawi y nai ai py, chih pi nai ne. Leu meitang teaung y naimy sa nai khumichi ai pipi niu ngai y.

SAM 130:3

Nang ly kaichi i kamngochi tajiu pi typ jo ai nabaly, kamngo pajengra i nai ami tleaung pajau ai mo?

SAM 14:1

Khumi ka-khumchi my, “Tameuh by y,” nanai dawn iy athang khai u nai ne. Nichi bawibawi ly sa nai sai hawi y i, amso ngai nairachi sa u; kahawi sa nai khumi leaungrei py by y.

SAM 73:3

kai ly kapathui khe i, atlym vi nai ne; kai i kheuchi py athei vi na bo.

SAM 75:4

Kai ly hina nai leu kang pei; khumi hawi y naichi awi, amlyh u moh.

SAM 92:6

Khumi ka-khumchi pany pajau y naira, cheng naira by y nai khumichi pany thai y naira, harei awm.

SAM 94:8

Kai i khumichi awi, nangchi ly ati mana nai y hina tanrei cheng naira by y iy, tau akhum u na mo? mana khala y tau cheng u ai mo?

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 15:9

Areng ly khumi hawi y naichi i reita lam ai ly paso; na i py leu meitang teaung nai khumichi ai ly khrei nai ne.

LEU KACHENG 8:5

Nangchi ly cheng naira angym bo a? Cheng naira angym pa-rei amtiu u. Nangchi ly khumi ka-khumchi a? Cheng naira nga ai nai amtiu u.

Parip nai leu 5:4

Nang ly leu neangneang katheu baly leu hawi y naichi katheu lawh ai. Hunai deaungkho y nang ly Tameuh teng y sai sairei leu adeu lawh baly, adeu nai kamta sa kaliki ai nai tla. Khumi ka-khum ly Tameuh i vui teaung ai nai ngo y leang. Nang ly nangmy i leu adeu nai kamta so ba.

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

Levi 20:23

Huni pri y awm nai khumichi i reita kamta so u moh; huni pri y nangchi kun u pajau ai nai molam y, kai ly huni pri i khumichi ai patheu pawn ai. Kai ly nichi i hawi y nai reitachi ai kapaso nai ne.

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 7:23

Naibaly huni khala y ly kai ly nichi teng y, ‘Kang pany kang pacha y leang: nangchi atiti hawi y sa naichi awi, kai teng i nai leh u pawn,’ nanai kanapi ai.