SAM 5:4 - Khumi Common Language Bible

⁴ Nang ly kamngo sa nai ai khrei nai Tameuh ny y; nang i mo y hawi y sa ai nai pei y.

SAM 5:4 Iomraidhean Croise

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

SAM 101:7

Ka-chawi thui nai khumi ly kai i samrang yhm y awm ai nai ngo y ai; khumi kahawi amlawn reng nai khumi ly kai i mo y awm ai nai ngo y ai.

SAM 11:5

Mymy ly khumi kahawi ai py, khumi hawi y nai ai py, chih pi nai ne. Leu meitang teaung y naimy sa nai khumichi ai pipi niu ngai y.

SAM 140:13

Khumi kahawichi ly nang ai meitang khyp naimy palo ai; nichi ly nang i mo y awm ai nai nga u ai.

SAM 50:21

Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

SAM 63:2

Meingtym kachaira y nang ai niu ai nai, kai ai pei kyh ba; nang i sa thai naira hawi phum-ang niu ai nai pei kyh ba.

SAM 88:14

Aw Areng, nang ly ati mana nai kai ai khai su lawh mo? Ati mana nai y kai teng i nai meimai hi pi vui lawh mo?

SAM 92:15

Hini ly Areng ly lei meitang ne, nanai py, kai ai ama hai nai keung ly hawi angym, nanai py pany hai bo.

SAM 94:20

Nang ly teng y nai kalop ai kateng palawn reng nai, un cha nai tara chih keungchi hawi ly ati sai py amtawn abi y leang.

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

MALAKHI 2:17

Nangchi ly leu peung ala nai deaungkho y, Areng ly kano ngai y bo. Na i py nangchi my, “Kaichi ly nang ai kano angai hai y ai nai ati mana kasa u lawh mo?” nanai thui u. “Areng ly khumi hawi y nai ngiereichi ai khumi kahawi palawn bo,” nanai thui nai py, huni khumichi ai kawn nanai py, leu meitang adyh adawi bo, nanai athang khai nai Tameuh ly ma mang y awm mo?” nanai thui nai molam y py, nangchi ly mymy ai kano angai hai y nai ne.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

II PETERA 3:13

Na i py mymy i leu adeu nai kamta hawi naira awm nai, kani khaileaung kangtha ai ly achi athang khai.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.