SAM 48:2 - Khumi Common Language Bible

² Tameuh i mawi pui napi nai Zion mawi ly asang iy, apu parai nai ne; nang parai nai samrang i mary pui ly khaileaung pri khumichi ai amo theu hai bo.

SAM 48:2 Iomraidhean Croise

SAM 135:21

Zion mawi salo y py, mymy awm nai Jerusalem mary theung y py, mymy ai palo u. Areng ai palo u!

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 76:2

Mymy i yhm ly Jerusalem mary y awm; mymy ly Zion mawi salo y awm nai ne.

SAM 87:3

Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

ISAIA 14:13

Nang ly kani mang tym pa-rei lyn iy, asang keh nai ka-sichi salo y nangmy i samrang atehra khai ai nai leu pacheang yb bo. Nang ly tameuh takhrachi akachu u nai tosyh mang i mawi salo y samrang leaungrei kamta ateh ai nai nga ai, nanai athang khai bo.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

ISAIA 66:10

Jerusalem mary ai paleung apei nai khumichi awi, ni hawi vanrei amo theu u; ni i vui amo theu u! Huni mary i vui paleung si vo tangam nai khumi bawibawichi awi, vaimy ni hawi vanrei amo theu u!

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

TANGAM NAI LEU 2:15

Mary aki aleaung nai khumichi ly mei aniu y nai sa iy kiu tabeang u. Nichi ly lu heang naimy Jerusalem mary kaphra ai panui hai paryp u bo. “Khrei ai hawi parai nai mary ly hini mary lawh a? Khaileaung pri i vui tahm awm hai nai mary ly hini mary a?,” nanai panui hai.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

DANIELA 11:16

Tavai amsa nai Suria samrang ly amtang naira avum y naimy, nichi ai mymy ngaingai sa pajau ai. Ni ly adeu nai pri y kun iy, my i kiu theung y angym pa-rei tym hai ai.

DANIELA 11:45

Ni ly Achura yhm awm nai mawi hawi, pangli sala y mymy i vui kanih yhm kalenchi sa ai. Na i py mymy ai sabawm ai nai keung by y nai deaungkho y dei ai,” napi.

DANIELA 8:9

Huni taki palyhrei theung i taki hareira y, taki kangti harei sai. Huni taki kangti ly tokalawi ngan, nisi ngan hawi adeu nai pri mang y khrairei, sa thai naira awm nai ne.

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

MALAKHI 3:12

Naibaly nangchi i pri ly awm nai ajeaung ai hawi parai nai meingtym lawm ai. Huna nai y khumi cheng cheaungkhangchi ly nangchi ai taham hawi nai khumichi, nanai palau u ai,” napi.

MATTHAI 5:35

Khaileaung y tauh iy py abeu u reng moh, huni ly mymy i kheu khai naira ne; Jeursalem y tauh iy py abeu u reng moh, huni ly Nang Parai nai Samrang i avang ne.

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,