SAM 48:1 - Khumi Common Language Bible

¹ Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 48:1 Iomraidhean Croise

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 145:3

Areng ly nang parai nai deaungkho y, palo ai ataing nai ne; nang parai nai sai py dawn pata pajau y leang.

SAM 147:5

Achi i Areng ly nang parai iy sa thai naira angym nai ne; mymy i cheng naira ai saju angka pata ai nai ngo y.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 30:1

Aw Areng, kai ai atleu nai deaungkho y py, kai i patang nai molam y paleung ka-echi my paleung ateng hai ai nai pei y nai deaungkho y py, nang ai kai ly kang palo nai ne.

SAM 42:1

Aw Tameuh, sisiu chakhi ly savai tleng nai tavo tui kadeaung nai kamta, kai ly nang ai kadeaung nai ne.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 46:4

Tameuh i mary pui napi nai tahm asang parai nai Tameuh i yhm y amo theu hai nai tavo awm.

SAM 47:8

Tameuh ly mymy i chai parai nai atehra bailang salo y ateh bo; pri neangneangchi ai peang nai ne.

SAM 65:1

Aw Tameuh, nang ly chiu sa hnei takeng naichi ai pathang pi reng nai deaungkho y, kaichi ly Zion mary y nang ai palo ai ataing nai ne.

SAM 78:68

Nichi ai vawi takhra ai nai tleaung y ly Juda cheng theaungchi hawi, mymy khri pa-rei tamen nai Zion mawi ai vawi takhra nai ne.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

SAM 87:1

Areng ly chai parai nai mawi salo y, mymy i mary pui sa nai ne.

SAM 87:3

Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

SAM 96:4

Areng ly nang parai keh nai ne iy, khri pa-rei palo ai ataing nai ne; mymy ly tameuhchi bawibawi tleaung y, jei kaji naimy tahm khai ai ataing nai ne.

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

OBADIA 1:17

“Na i py Zion mawi salo y tleaung nai khumi phyrei awm ai; hini mawi ly meingtym kachai lawm ai. Jakob i kangpreangchi ly mymychi i vui amtym ai nai nga ai. Pri amtym ai nai nga u ai.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

MATTHAI 24:15

“Hunaibaly phain nai ngierei ly awm nai sai pany sy: amo Daniela i thui nai taphra nai keung amso ngai nai ly meingtym kachai y, angdo nai nangchi niu nai khala y ly,

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,

AMTENG HAI NAI 19:5

Naibaly areng atehra theung i dengdairei ly raawi theu i, “Nangchi, mymy i miseaung, mymy ai tahm khai nai katheang kalenchi awi, achi i Tameuh ai palo u,” napi.

AMTENG HAI NAI 21:2

Naibaly avang pui kachai, Jerusalem kangtha ly, deaung vawi nai anglo ly mymy ai palyn nai keung i vui y asa tarengdeng nai angveirym nai kamta, Tameuh teng i dengdairei kathiu nai kaniu.