SAM 4:8 - Khumi Common Language Bible

⁸ Kai ly aseaung nai khala y awmnem naimy i nem bo; aw Areng, nang naini kai ai chymme naimy awm ai nai pei nai ne.

SAM 4:8 Iomraidhean Croise

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 3:5

Areng ly kai ai vum torei kry nai deaungkho y, aseaung naimy i-nem ai nai nga bo.

LEU KACHENG 3:24

Nang ly i angvyn nai khala, jeira awm ai ny y; vumtorei py i nem ai.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.

HOSEA 2:18

Huna nai khala kai ly mawi kasi, tavo cheaungkhangchi hawi leu maikawm asa iy, haisau, thailiho chyn hawi tavai atiu naichi py, pri y by y vui nai deaungkho y, kai i khumichi ly tlamsa naimy awm ai nai nga u ai.

Levi 26:5

Nangchi i amti amjangchi khri pa-rei thawn nai deaungkho y, nangchi ly choh tyn nai pajau y khala my, kreip athai jaw nai neng tym ai. Kreip athaichi jaw nai pajau y khala my, choh pati nai neng tym ryp ai. Nangchi ly kajeu kawi pa-rei cha ai nai nga iy, chymme naimy awm ai nai nga u ai.

Leu Thui Nai 12:10

Nangchi ly Jordan tavo angpeang nai bo y Areng my nangchi ai, huni pri peang iy awm hai ai. Mymy ly nangchi ai paleung ka-e bawibawichi teng i nai ama hai nai deaungkho y, nangchi ly tlamsa naimy awm u ai.

I THESALONIKA 5:10

achi ly i iy py, anglaw iy py achi ly mymy hawi vanrei heng thai ai nai, achi i vui y ang dei pi.

AMTENG HAI NAI 14:13

Naibaly kani pri mang i dengdairei raawi my ly, “Hina nai kamta tajiu. Vai i dengdairei amteaung iy Areng y dei naichi ly taham hawi: Phailo my py, Ne, nichi ly mymychi i sa akawm naichi anawn vui thai ai nai, nichi i atiti sa naichi ly nichi ai hui jojo,” nanai thui nai kathai.