SAM 4:4 - Khumi Common Language Bible

⁴ Nangchi ly jei hyn naimy kamngo so y ai nai amkyn u; nangchi ly ira salo y nangmychi tlairei dawn amcheng iy, hini ai ka-dawn thiu parai naimy dawn patyp u.

SAM 4:4 Iomraidhean Croise

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 119:161

Sa thai naira awm nai khumichi ly kai ai atyhtyh naimy ana u bo; na i py kai ly nang i reita leu ai tahm khai nai ne.

SAM 17:6

Aw Tameuh, nang ly pathang pi reng nai deaungkho y, kai ly nang teng y chiu kang sa; hunai deaungkho y kai mang y hi iy, kai i chiu sa nai raawichi tangai pi kyh ba.

SAM 2:11

Nangchi ly jei kaji nai paleung hawi Areng i kalop so u;

SAM 3:2

Nichi my thui nai ly “Tameuh ly kaichi ai sabawm ai ny y leang,” nanai thui u.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 33:8

Khaileaung pri khumi bawibawichi awi, Areng ai tahm khai u! Khaileaung pri y awm nai khumi bawibawichi awi, mymy ai jei naimy tahm khai u!

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 63:6

Kai ly ira salo y aseaung nai thym y, nang ai pany jo ai; vumtorei nang i satang adawn pasym naimy kaawm bo.

SAM 77:6

Kai ly vumtorei ka-dawn chumchi nai khala ly hina nai kaimy ai adeng ryp bo.

LEU KACHENG 16:17

Khumi kahawichi ly hawi y naira lam mang y tako vai y; na i py amy i tako ai nai lam dawn ryhpatyh nai khumi ly mymy tlang ai akry nai ne.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 3:7

Nang ly nangmy i cheng naira y paleung len moh. Areng i leu ai tangai iy, teng y naira y ly en vui ba.

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

HABAKKUK 2:20

Areng ly mymy i chai parai nai Achura yhm y awm. Khaileaung pri y awm nai khumi bawibawichi ly mymy i mo y awmnem naimy awm u sy.

II KORINTH 13:5

Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

EPHESI 4:26

Kado theu u iy py kamngo tlo moh sy: nangchi i kado theu nai ai ly kani dym hai moh sy;