SAM 4:1 - Khumi Common Language Bible

¹ Aw Tameuh, kai ai ama hai nai keung! kai i palau nai khala y pathang pi kyh ba. Kai patang nai thym khala y sabawm ba. Vai py kai ai pahen iy kai i chiu sa nai tangai pi kyh ba.

SAM 4:1 Iomraidhean Croise

JOBA 36:16

Tameuh ly nang ai patangra i nai atleu iy, chymme naimy awm ai nai pei i, nang i sabawi salo y cha kahawi, nei kahawi neangneangchi ang khai pi chawp nai ne.

SAM 11:7

Areng ly hawi nai ne i, kahawi sa nai khrei; kahawi sa naichi ly mymy i meimai niu u ai.

SAM 116:16

Aw Areng, kai ly nang i miseaung ne; kai i amhm sa nai kamta, kai ly nang i kalop sa pi ai. Nang ly kai ai deira i nai atleu pi bo.

SAM 116:6

Areng ly jeaungmang nai khumichi ai ama hai; kai ka-jeira avum nai khala y, kai ai atleu nai ne.

SAM 119:132

Nang ai tamen nai khumichi ai pahen nai kamta, kai ai khen iy pahen teang kyh ba.

SAM 143:2

Nang i miseaung kai hawi ka-jo ka-thui awm moh sy ba; nang i mo y kamngo chai nai leaungrei py by y.

SAM 17:6

Aw Tameuh, nang ly pathang pi reng nai deaungkho y, kai ly nang teng y chiu kang sa; hunai deaungkho y kai mang y hi iy, kai i chiu sa nai raawichi tangai pi kyh ba.

SAM 22:1

Kai i Tameuh, aw kai i Tameuh, ati mana nai kai ai khai su lawh mo? Sabawmra nga ai nai kai ly aeu bo; na i py vai khrairei sabawm y rai.

SAM 24:5

Areng ly huni khumichi ai amtheaung hai iy atleu ai. Huni khumichi ly kamngo chai nai khumichi ne, nanai Areng ly amthang hai ai.

SAM 25:16

Aw Areng, kai ly bengtlairei khyh nai y atho di nai ne. Hunai deaungkho y kai mang y motha iy pahen kyh ba.

SAM 31:8

Nang ly kai ai paleung ka-echi kiu theung y tym hai y naimy, kaimy ngaingai chei pajau ai nai pei bo.

SAM 41:12

Kai ly kateng sa nai khumi ne nai deaungkho y, mymy ly kai ai sabawm nai ne i, mymy i mo y deungtasarei awm ai nai pei ai.

SAM 42:1

Aw Tameuh, sisiu chakhi ly savai tleng nai tavo tui kadeaung nai kamta, kai ly nang ai kadeaung nai ne.

SAM 45:1

Samrang i vui hini khulym katajiu nai thym y, kai i paleung ly taham hawi nai leuchi kawi na bo. Kai i labeaung ly cha tajiu keung kahawi leaungrei i cha kaleaung hawi atawm.

SAM 56:1

Aw Tameuh, kai ly atiu naira avum nai deaungkho y, kai ai pahen kyh ba; paleung ka-echi ly kai ai kani tleirei ana pumpi nai ne.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 6:1

Aw Areng, kai ai kado theu hai iy parip moh kyh ba! Kado theu iy pajeng moh kyh ba!

SAM 67:1

Aw Tameuh, kaichi ai tamen ly amtheaung naira pei kyh ba; pahen nai paleung hawi, kaichi ai khen kyh ba.

SAM 76:1

Juda pri y ly Tameuh ai pany u bo; Israela pri y mymy i amyn ly nang parai nai ne.

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

HABAKKUK 3:19

Ati cheaungkhang sa thai nai keung Areng ly kai ai atho pei bo. Nang ly kai ai sitha kamta kheu khaw hai iy, mawichira y chymme naimy khai bo.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

II KORINTH 1:10

Mymy ly huna tanrei deira y kaichi ai khri pa-rei ama hai bo, ne ama hai bi ai rai; vai py ama hai veangveang ai, nanai kaichi ly mymy ai athang khai cheng bo;

II KORINTH 1:8

Amjo amnauchi awi, Asia pri y kaichi i tlang tleaung y ngari patang naira tym nai molam y ly nangchi pany y ai nai kang ngai hai y leang, huna nai kaichi ly khrikhri pa-rei kham pajau y nai, heng ai nai py athang khai y nai pa-rei ang ti nai ne.

1 SAMUELA 17:37

Areng ly kai ai khrangsi hawi tavym teng i atleu nai ne. Mymy ly kai ai hini Philistia khumi kiu i nai atleu ai,” napi. Sawla my, “Hawi mang, chei ba; Areng ly nang hawi vanrei awm hai sy,” napi.