SAM 27:1 - Khumi Common Language Bible

¹ Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 27:1 Iomraidhean Croise

JOBA 29:3

Huni neng khala Tameuh ly kai hawi vanrei awm nai ne. Kaveng theung y tako nai thym khala py, kai ai kangvang ang pei.

SAM 11:1

Kai ly Areng teng y abyh bo. Pri amrip sup naira by y nai khala y, “Tavo kamta mawi salo mang y akheang ba;

SAM 118:21

Aw Areng, nang ly kai i hnei nai thai i, kai ai eaung naira pei nai deaungkho y, kai ly nang ai palo nai ne.

SAM 118:6

Areng ly kai hawi vanrei awm nai ne i, kai ly jei ai ny y; khumi ly kai ai ati sa hai pajau ai mo?

SAM 18:28

Aw Areng, nang ly kai ai kangvang pei; kai i veng naira ai tama hai vui bo.

SAM 18:29

Paleung ka-echi ai tiu ai nai atho py, nichi i tavaimichi ai tiu pajau ai nai sa thai naira py, kai ai ang pei nai ne.

SAM 18:46

Areng ly heng nai ne! Kai ai ama hai nai keung ai ly palo u! Kai ai atleu nai Tameuh ly nang parai nai ne, nanai palo nai aeu u.

SAM 19:14

Kai i abyhra ne iy kai ai atleu nai keung, aw Areng, kai i katheu nai leuchi hawi, paleung ka-dawnchi ly nang i kangai ne sy!

SAM 3:8

Areng ly eaung naira pei pajau nai keung ne; mymy i khumichi tlang tleaung y amtheaung naira tym hai sy,

SAM 43:2

Nang ly kai ai ama hai iy kry nai keung ne; ati mana nai y kai ai khai su lawh mo? Kai ly ati mana nai y paleung ka-echi i pahyp y naimy ana nai avum veangveang lawh mo?

SAM 62:2

Mymy naini kai i abyhra lengseaung, kai ai atleu nai keung ne; mymy ly kai i khengsi apai lawm bo; kai ly mana khala py sum ai ny y.

SAM 62:6

Nang naini kai i abyhra lengseaung, kai ai atleu nai keung ne; nang ly kai i khengsi apai kamta ne; kai ly mana khala py sum ai ny y.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 8:26

Naibaly mymy ly nichi teng y, “Ym naira di naichi awi, ati mana nai jei u nai kaau mo?” napi. Huni bo y mymy ly angthau i ali hawi ang ai jo: naibaly aham i rym chauchau bo.

LUKA 2:30

Ati mana nai mo nabaly Cheng Takhrachi teng y amteng hai ai nai kangvang hawi, Nang i khumi Israelachi ai tahm paseng ai nai py.

LUKA 3:6

Khumi bawibawichi my py Tameuh i paheng naira niu ai,’ napi,” nanai ne.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

Leu Thui Nai 7:18

Nichi ai jeu u moh; nangchi i Areng Tameuh ly Aikupta samrang hawi ni i khumi bawibawichi ai ati mana pajeng moh, nanai pany u.

Leu Thui Nai 7:21

Hunai deaungkho y hini khumichi ai jei u moh. Nangchi i Areng Tameuh ly nangchi hawi vanrei awm; mymy ly sa thai naira len iy ka-jei hawi nai Tameuh ne.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

HEBRAI 13:6

Hunaibaly achi ly vam parai pa-rei my, “Areng ly ang sabawm nai keung ne, Kai ly kajei y ai; Khumi my ati ang sa pajau ai mo?” napi reng nai ne.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.

AMTENG HAI NAI 7:10

naibaly nichi ly tao pajeng parai naimy, “Areng atehra tleaung y ateh nai achi i Tameuh teng y hawi, Beram Cho teng y py paheng naira awm,” a nai aeu u bo.