SAM 24:3 - Khumi Common Language Bible

³ Areng i mawi salo y lyn pajau ai nai khumi ly ami mo? Mymy i Achura yhm kachai theung y kun pajau ai nai khumi ly ami mo?

SAM 24:3 Iomraidhean Croise

1 NENG SATANG 15:1

Davida ly mymy i vui yhmchi Jerusalem mary y sa bo. Tameuh i Leu Maikawm Pawm i vui py, meingtym hareira y Tai harei sa.

SAM 15:1

Aw Areng, nang i Achura yhm y ly ami kun pajau ai mo? Nang i Zion mawi kachai salo y ami chiu sa pajau ai mo?

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

Ezekiela 44:5

Areng my py kai teng y, “Nang khumicho awi, nang i niu nai thai nai ngiereichi ai adawn patyp ba. Kai ly Achura yhm molam reitachi kang thui pi ai. Mani khumi ly Achura yhm theung y kun pajau, theu pajau mo, nanai hawihai palai pany kheng ba.

Ezekiela 44:9

“Lengkhym takip y nai cheng takhra khumichi, kai i leu tangai y nai khumichi, Israela chengchi hawi vanrei awm nai cheng takhra khumichi ne lawh teu i py, kai i Achura yhm theung y kun ai nai nga u ai ny y, nanai sa thai naira angym nai kai, Areng my pei nai leu ne,” napi.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

JOHAN 13:36

Simon Petera my ni teng y, “Areng, nang ly ma mang y chei ai mo?” napi. Isu my, “Vai ly kai i chei ai naira y nang abang thai y leang rai; vaini bo y nang ly abang ai,” nanai pathang.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai: