SAM 24:1 - Khumi Common Language Bible

¹ Khaileaung pri hawi khaileaung pri y awm nai ngiereichi ai py, khaileaung hawi khaileaung salo y heng nai amjy bawibawichi ai py, Areng my peang nai ne.

SAM 24:1 Iomraidhean Croise

1 NENG SATANG 29:11

Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

1 NENG SATANG 29:16

Aw Areng, kaichi i Tameuh, nang i chai parai nai amyn tahm pasang ai nai, Achura yhm sa ai nai molam hini vawnsaichi kang syn pi bo. Na i py hini vawnsai bawibawichi ly nang i pei naichi ne iy, hunichi ai nangmy peang nai ne.

2 NENG SATANG 25:9

Huna nai khala Amazia my amo teng y, “Huni khumichi teng y pei nai tangka ly jawm sum ai bo a?,” nanai deng. Amo my, “Areng my huni tangka tleaung y nawi nai ang pei ai mang!” napi.

JOBA 34:13

Tameuh ly mymy i sa thai naira ai, khumi leaung leaungrei teng i dengdairei nga nai sai a? Khumi leaung leaungrei my, mymy teng y khaileaung pri peang ai nai pei nai sai a?

JOBA 41:11

Tamokalem ngo hai y naimy, ni hawi atiu acham pajau nai khumi awm na a? Khaileaung pri verei y, hina nai sa pajau nai khumi leaungrei py by y.

JOBA 41:3

Ni ly mymy ai patleaung ai nai, nang teng y takeng na a? Mymy ai pahen ai nai ahui na a?

SAM 50:10

Kai ly daichi tawnbawi ngiereichi ai py, sang neangneang nawi nai mawi aheungchira i tawnbawichi py peang nai ne.

SAM 50:12

“Kai kajeu alam lawh baly, nangchi teng i teicha teinei hnei ai ny y; ati mana nai mo nabaly khaileaung hawi khaileaung salo y awm nai ngiereichi ai kaimy peang nai deaungkho y ne.

SAM 89:11

Kani khusang ai py, khaileaung ai py peang nai ne; nang ly khaileaung hawi khaileaung salo y awm nai ngiereichi ai sa nai ne.

SAM 89:12

Nang ly tosyh ngan hawi tokalawi ngan ai sa nai ne. Tabor mawi hawi Heramon mawichi ly nang ai amo theu naimy palo u bo.

SAM 98:7

Pangli hawi, pangli theung y awm nai, heng nai amjy bawibawichi awi, tao pajeng parai naimy aeu u; khaileaung hawi khaileaung salo y heng nai bawibawichi awi, khulym thui u.

THEU NAI 19:5

Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.

THEU NAI 9:29

Huna nai khala Mosi my, “Kai ly mary i nai theu iy kiu jaha naimy Areng teng y chiu kasa ai. Areng ly khaileaung pri verei y peang nai keung ne, nanai nang pany ai nai kani pajyh nai hawi ji mang tla nai anawn ai.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

I KORINTH 10:26

ati mana nai mo nabaly khaileaung hawi huni theung y awm nai bawibawichi ly Areng i ne.

Leu Thui Nai 10:14

Areng ly kani khusang salo y malawn py peang; khaileaung pri hawi huni theung y awm nai bawibawichi ai py peang nai ne.