SAM 21:3 - Khumi Common Language Bible

³ Nang ly ni ai amtheaung naira kahawichi pei pi. Ni ai muku lukhym amym hai bo.

SAM 21:3 Iomraidhean Croise

2 SAMUELA 12:30

Samrang ly Ammon chengchi i Molech tameuh myn lu i muku lu khym la iy, adeung vui bo. Huni lukhym kaji ly sie vuipangrei awm i, vang kateng lengseaung harei tai nai ne. Samrang ly huni lengseaung la iy, mymy i samrang lukhymra y tai bo. Samrang ly huni mary tiura i nga nai vawnsai neangneangchi py syn vui nai ne.

2 SAMUELA 2:4

Hunaibaly Juda mipuichi ly Hebron mary y jeu u iy, Davida ai Juda samrang y palyn u bo. Sawla i veu ai Kilead pri Jabe mary i khumichi my up nai satang Davida thai nai khala y,

2 SAMUELA 5:3

Naibaly Israela cheng lu sa nai keung bawibawichi ly samrang Davida awm nai Hebron mary y tym u. Davida ly Tameuh i mo y nichi hawi vaineng asa nai deaungkho y, nichi my Davida ai samrang y palyn nai asitui leih pi u. Naibaly Davida ly Israelachi i samrang y lawm bo.

1 NENG SATANG 20:2

Ammon chengchi i chiu nai Mole tameuh myn i lu tleaung y kaji sie 85rei awm nai muku areng lukhym awm. Huni areng lukhym ra y vang kateng lengseaung harei awm. Huni lengseaung ai Davida ly la iy, mymy i areng lukhym ra y tai bo. Ni ly Rabah mary i nga nai vawnsai neangneangchi py la vui nai ne.

2 NENG SATANG 6:41

Aw Areng Tameuh, vai ang thau iy, nang i sa thai nai ka-ma-ra Leu Maikawm Pawm hawi vanrei, Achura yhm theung y jeu ly deungtasarei awm jo ba. Nang i khumichi ly mymychi nga nai pahen naira molam y, amo theu u sy.

JOBA 41:11

Tamokalem ngo hai y naimy, ni hawi atiu acham pajau nai khumi awm na a? Khaileaung pri verei y, hina nai sa pajau nai khumi leaungrei py by y.

SAM 18:18

Kai patang naira avum nai khala y, nichi ly kai ai tiu u bo. Na i py Areng ly kai ai ama hai nai ne.

SAM 20:5

Hunaibaly kaichi ly nang i eaung pawi molam y, amo theu parai naimy aeu u ai. Areng ai palo naimy nang i eaung pawira y abawi u ai. Tameuh my nang i hnei takeng nai ngierei pei pi sy.

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

SAM 59:10

Kai i Tameuh ly kai ai tamen iy, kai teng y ang jeu ai; kai i paleung ka-echi sum u nai ly kai ai niu ai nai ang pei ai.

ROM AVANGCHI TENG Y PAWLA I CHA PA NAI 11:35

Mymy teng y heung teang ai nai py atiti ami pei man mo?

ROM AVANGCHI TENG Y PAWLA I CHA PA NAI 2:4

Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

AMTENG HAI NAI 19:12

Mymy i mei ly mai ka-veaung kamta ne, mymy i lu y ly areng lukhym neangneang awm; naibaly mymy harei khyh ny y baly ami py pany y nai amyn tajiu angchi khai nai ne.

1 SAMUELA 16:13

Samuela ly Olive asitui la iy, Davida ai amjo amnauchi i mo y asitui leih pi. Huni kani dengdairei Areng i phailo ly Davida teng y tym. Naibaly Samuela ly Ramah mary y vawi ali teang bo.