SAM 20:3 - Khumi Common Language Bible

³ Mymy ly nang i katalamra ngiereichi ai kawn pi iy, leng patlum nai kapathypra bawibawichi ai py kawn pi sy.

SAM 20:3 Iomraidhean Croise

ATITI AWM ANGCHEI NAI 4:4

Naibaly Abela py mymy i beram cho chalu tleh iy ngan bawi hawi keh naichi Areng teng y talam teang. Areng my Abela hawi mymy i talam nai ai ly kawn pi.

1 NENG SATANG 21:26

Areng i vui maicham sa iy leng patlum nai kapathypra hawi amkawm nai kapathyprachi talam bo. Samrang chiu sa nai khala, Areng ly maicham salo i tawnbawichi mai kang ai nai molam, kani mang dengdairei mai pala pi bo. Hina nai kamta samrang i chiu sa nai pathang pi nai ne.

2 NENG SATANG 7:1

Huna nai kamta samrang Solomon chiu sa pajau nai khala, kani mang dengdairei mai tla iy, katalamrachi kang hai. Naibaly Achura yhm ly Areng i phum-ang kangvang hawi kawi na bo.

SAM 128:5

Areng ly Zion mawi salo i dengdairei, nang ai amtheaung hai sy! Nang ly heng nai sala ryrei, Jerusalem mary i sareaung hawi naichi niu sy!

SAM 134:3

Kani hawi khaileaung sa nai keung Areng ly Zion mawi salo dengdairei, nangchi ai amtheaung naira pei sy!

SAM 51:19

Huna nai khala nang ly teng khyp nai leng patlum nai kapathyprachi kawn pi ai; si kataichi ai py nang i maicham salo y apathyp ai.

ISAIA 60:7

Kedar pri hawi Nebaioth pri i beram ngiereichi ai kapathypra tawnbawichi lawm ai nai nang teng y ang syn pi iy, Areng my kawn ai nai, maicham salo y apathyp u ai. Areng ly mymy i Achura yhm y mani hawi py atawm y pa-rei, phum-ang nang parai hai ai.

Levi 9:24

Naibaly ly Areng ly tlenrei khyhmy mai kangveaung tla hai miu iy, maicham tleaung i leng patlum nai tawnbawi hawi thauchi kang hai bo. Khumi bawibawichi ly huni leaungsaichi niu nai khala, aeu iy khaileaung y ambeu u bo.

AMTAW 10:4

Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.