SAM 2:6 - Khumi Common Language Bible

⁶ Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 2:6 Iomraidhean Croise

SAM 45:6

Nang ai Tameuh my pei nai atehra bailang ly deungtasarei awm ai. Nang ly nangmy i pri ai leu meitang adyh adawi naimy peang bo.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 78:68

Nichi ai vawi takhra ai nai tleaung y ly Juda cheng theaungchi hawi, mymy khri pa-rei tamen nai Zion mawi ai vawi takhra nai ne.

SAM 89:27

Kai ly ni ai kai i chapo chalu kapalawn ai; phum-ang len keh nai samrang lawm hai ai.

ISAIA 55:4

Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

Ezekiela 17:22

Sa thai naira angym nai Areng my leu pei nai ly: “Kai ly saitleang keung ka-sang salyh i sai la iy, sai kadeu khei chum baly asang keh nai mawi saleung y kaui ai.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

EPHESI 1:22

Naibaly ati cheaungkhang mymy i kheu anui y khai iy palau takhra kamkawm i vui y mymy ai ly ati cheaungkhang bawibawira y lu lawn ai nai ang sa hai bo;

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,

AMTENG HAI NAI 14:1

Naibaly kai ly khen i khen cham, Beram Cho ly Zion Mawi y angdo nai hawi, mymychi i lukati y mymy i amyn hawi mymy i Ampo i amyn py tajiu angchi nai khumi taseng atlo meaungkateaung palyh pa-ngo sang palyhreichi ai mymy teng y awm nai kaniu.