SAM 18:3 - Khumi Common Language Bible

³ Kai ly Areng teng y kahnei nai khala, mymy ly kai ai paleung ka-echi kiu i nai atleu bo. Areng ai ly palo u!

SAM 18:3 Iomraidhean Croise

2 SAMUELA 22:4

Kai ly Areng teng y hnei takeng nai khala, mymy ly kai ai paleung ka-echi kiu i nai atleu pi bo. Areng ai ly palo u!

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 144:1

Kai i lengseaung pui lawm nai Areng ai ly palo u! Mymy ly kai ai tavai atiu ai nai ang patiu pi; tavai thau nai sai py patiu pi nai ne.

SAM 145:3

Areng ly nang parai nai deaungkho y, palo ai ataing nai ne; nang parai nai sai py dawn pata pajau y leang.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 31:4

Kai i vui pateung yb nai deaungra i nai lawi hai kyh ba, Nang ly kai i abyhra ne.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 55:16

Kai ly Areng Tameuh teng y, kasabawmra nga ai nai chiu kasa bo; mymy ly kai ai atleu ai.

SAM 62:3

Nangchi bawibawi ly atlym cheaung-ang nai angpang hawi, phra seaungkhrang nai apai kamta, atho by y nai khumi leaungrei ai, mana tanrei kakra tiu u ai mo?

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 71:3

Nang ly kai i abyhra lengseaung pui ne; kai ai ama hai ai nai molam y, khaw parai nai lengseaung apai lawm ba; nang ly ai i abyhra, kai ai ama hai nai keung ne.

SAM 76:4

Aw Tameuh, nang ly sa thai naira haiho khri pa-rei len parai na ly! Paleung ka-echi ai eaung nai meingtym, mawichi mang dengdairei, nang vawi ali teang nai ly khri pa-rei tahm awm parai na a!

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

SAM 91:2

Mymy teng y, “Nang ly kai ai ama hai nai hawi kai i abyhra lengseaung yhm ne; nang ly kai i Tameuh ne i, kai ly nang ai ym nai ne,” nanai thui pajau ai.

SAM 96:4

Areng ly nang parai keh nai ne iy, khri pa-rei palo ai ataing nai ne; mymy ly tameuhchi bawibawi tleaung y, jei kaji naimy tahm khai ai ataing nai ne.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

LUKA 1:71

Achi i amsichi ai pahen ai nai adeu nai kamta sa ai nai hawi, Mymy i leu adeu nai adawn vau ai nai py. Ni ly mymy i khumichi ai de i atleu naira hawi,

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.