SAM 15:2 - Khumi Common Language Bible

² Ati cheaungkhangra y Tameuh i leu tangai iy, hawi naira sa jojo reng nai khumi, leu kateng kataw katheu reng nai khumi,

SAM 15:2 Iomraidhean Croise

SAM 24:4

Kaja hawi iy paleung chai naimy tameuh takhrachi ai chiu y nai khumichi, tapawp y, adeu nai vaineng taphra vai y nai khumichi ne.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

LEU KACHENG 20:7

Neaung hawi nai ly kateng sa reng. Ni i katu chanauchi ly taham hawi.

LEU KACHENG 28:18

Kahawi sa reng nai khumi ly ka-jeira avum y ai. Ka-kawi paleung awm nai khumi ly vaimy atlym ai.

ISAIA 33:15

Nangchi ly leu kateng thui katheu u ai nabaly, dei y naimy awm pajau nai ne. Khumi kamawnchi ai li-tapawp ai nai, nangchi i sa thai naira teaung u moh. Un langseaungchi py talam u moh. Khumi ai padei ai nai, takhra hawi y naichi sa ai nai ka-dawn awm naichi hawi amkawm u moh.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

MIKHA 2:7

Israela chengchi ly amsawi lawi bo, nanai athang khai a? Areng ly neaung kham pajau na bo a? Mymy ly huna nai sa takengkei ai bo a? Kahawi sa nai khumichi teng y, mymy ly kapahen leu thui pi ai ny y a?,” nanai kai teng y thui u ali teang bo.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

AMTAW 10:35

na i py cheng cheaungkhang theung y ami py mymy ai tahm khai iy kahawi sa nai ngierei ai ly ang kawn reng.

ROM AVANGCHI TENG Y PAWLA I CHA PA NAI 2:10

na i py atiti kahawi sa nai keung ngierei teng y ly nang parai naira py, tahm asang naira py, awmnem naira py tym ai; Judachi teng y tym manme ai i, krikchi teng y py tym teang ai;

KALATIA 2:14

Na i py nichi ly Satang Kahawi leu meitang kamta hawihai palai awm u y nanai kapany i, Kipha teng y nichi bawibawi i mo y, “Nang ly Juda khumi ne baly Judachi i awm nai kamta awm y naimy nang ly Cheng Takhrachi i awm nai kamta awm lawh nai ly, ati mana nai y Cheng Takhrachi ai ly Judachi i awm nai kamta nang ly awm hai akhikan lawh mo?” kanapi.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 4:25

Hunaibaly ka-chawi thui nai ly anawn vui iy, leaung leaungrei ly amy i saleaungchi teng y leu meitang thui u sy; achi ly leaung leaungrei ly vanrei angprei ahawi nai ne.

KOLOSA 3:9

nangchi ly khumi kangngym hawi mymy i atiti sa naichi hawi raurei leng vui iy khumi kangtha amthypu veng nai deaungkho y, ka-chawi athui u leungtang moh;

HEBRAI 11:33

ym naira deaungkho y nichi ly peang naira takhra takhra ai py pajau iy nga u, atiti kahawi py sa, leu adeu nairachi py nga, khrangsi takai i labeaung py pakhym hai,

I JOHAN 2:29

Mymy ly kahawi ne, nanai nangchi pany baly ami py kahawi sa nai ngierei ly mymy i tapen nai ne, nanai nangchi pany mang.

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.

I JOHAN 3:7

Bechi awi, ami my py nangchi ai tapawp ai nai pei u moh; mymy ly kahawi ne nai kamta, kahawi sa reng nai keung ly kahawi ne teang:

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.