SAM 146:4 - Khumi Common Language Bible

⁴ Nichi ly dei nai khala y khaileaung y vawi u ai i, huni kani y my nichi i katau ly tama nai ne.

SAM 146:4 Iomraidhean Croise

ATITI AWM ANGCHEI NAI 2:7

Naibaly Areng Tameuh ly khaileaung salo i khaileaung phyrei la iy khumi myn sa; notareang mang hengra kangho hm pi i, khumi ly heng amteaung bo.

ATITI AWM ANGCHEI NAI 3:19

Nang ai sa nai khaileaung y ali teang y ryrei ly ka-ui leaung pa-rau na pa-rei akawm parai naimy kalop sa iy cha ai nai tla ai. Nang ai khaileaung hawi sa nai ne i, khaileaung lawm ali teang ai,” napi.

ATITI AWM ANGCHEI NAI 6:17

Kaimy khaileaung i heng nai cheaungkhangchi tamyh ai nai khaileaung pri y tuibai tuitleng theu hai ai; naibaly khaileaung i heng nai cheaungkhang ly dei bebe ai.

JOBA 14:10

Na i py khumi ly dei baly, tama pyn ryp veng nai ne. Dei nai bo y ni ly ma mang y awm mo?

JOBA 14:21

Ni i chapochi ai tahm pasang nai ai ni ly mana khala py pany y. Nichi tahm anem u nai khala py, ni ai thui pi ai nai ngo y.

JOBA 17:1

Kai ly dei ai nai neng kasa bo. Kai ly hawihai palai taho thai y na; kai ly tapreaung y tym ai nai awm khyh bo.

JOBA 17:11

Kai i neng kanichi ly kheih veng bo; kai i dawn tau naichi ly phra pawn veng bo. Kai i athang khai naira by y leang bo.

JOBA 27:3

Na i py kai ai Tameuh my, taho ai pei nai ryrei ly

SAM 104:29

Nang ly nichi teng i nai meimai hi pi veng nai khala y, nichi ly jei hyn u bo; nang ly nichi i hengra la pi veng nai khala y nichi ly dei i, spryh lawm u ali teang nai ne.

SAM 33:10

Areng ly khumi cheng cheaungkhangchi i dawn nairachi phra hai bo. Nichi i dawn tau naichi ai py, amcheang hai y ai nai paka vui nai ne.

SAM 90:3

Nang ly leu pei iy khumichi ai spryh lawm hai ali teang bo.

Parip nai leu 12:7

Hunaibaly achi i tlang ly khaileaung spryh mang y tym ali teang ai i, achi i hengra py, achi ai ang pei nai keung Tameuh teng y tym ali teang ai.

Parip nai leu 9:6

Nichi i tamen nai paleung, niu ngai y nai paleung hawi, takhra ngai phi teng y nai paleung bawibawichi ly mymychi hawi vanrei tama be veng bo. Nichi ly hini khaileaung pri y tym nai atitichi theung y abawi pajau y leang bo.

ISAIA 2:22

Dei nai amjy napi nai khumichi ai ym naimy paleung apado u moh. Nichi ly ati kamran awm mo?

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

I KORINTH 2:6

Na i py kaichi ly khumi ka-cheangchi theung y ly cheng nai leu thui pi; na i py hini khaileaung pri i cheng nai leu ny y leang, hini khaileaung pri i peang nai keung tama ai naichi i cheng nai leu py ny y leang.