SAM 128:3 - Khumi Common Language Bible

³ Yhm angtheung y nang i aju ly athai pasu nai kreip keung kamta py, sabawi kamki ateh nai nang i cho chanauchi ly ui yb nai olive keung-lochi kamta py lawn u ai.

SAM 128:3 Iomraidhean Croise

ATITI AWM ANGCHEI NAI 49:22

“Josepha ly tuino sampum sahawi y tlai nai keaungngo kano kasau karam atawm. Ni ly mawi tahyh y tlai nai keaungngo kano kasau karam cho py atawm.

1 NENG SATANG 8:40

Ulam i chapochi ly atiu kawp keh nai risachi hawi thailiho teaung kawp naichi ne. Ni i katu chanauchi leaung 150 rei awm. Salo mang i khumi bawibawichi ly Benjamin theaungchi ne.

SAM 127:3

Cho chanauchi ly Areng my pei nai langseaungchi ne; nichi ly amtheaung hai naira tatangchi ne.

SAM 127:5

Hunai kamta thailiho chyn neangneang awm nai khumi ly taham hawi; ni ly paleung ka-echi hawi tara chih nai jeung y avum nai khala sum y ai.

SAM 144:12

Kaichi i chapochi ly thawndeang nai thym khala y, keung cheangryh cheangryh nai keung dichychi kamta lawn sy. Kaichi i chanauchi ly samrang i yhm takichira y ka-pu leng nai lengseaung yhm mawnchi kamta lawn sy.

SAM 52:8

Na i py kai ly Tameuh i yhm sahawi y prau nai olive keung hawi atawm nai ne; kai ly nang i khaw parai nai tamen naira ai deungtasarei ym bo.

JEREMIA 11:16

Vaichi khala Areng ly huni khumichi ai, ngamchi angvairu iy athai kahawichi athai pasu nai olive keung, nanai amyn pathi nai ne. Na i py vai, kai ly kani pajyh nai katyn hawi huni keung i ngamchi mai leng iy changpichi khei pawn ai.

Ezekiela 19:10

Ngamhm ly tavo micheaung sahawi y ui nai kreip keung hawi atawm. Tui bym pa-rei nga nai deaungkho y huni keung ly ngam hawi athaichi pasu nai ne.

ROM AVANGCHI TENG Y PAWLA I CHA PA NAI 11:24

Nang ai ly amy i reita kamta awm nai oliv karam dengdairei ang do peu vui nai malawn py, reita kamta ny y naimy oliv keung kahawi y patawm naira awm baly, huni changpi tatangchi ai ly mymychi i oliv keung kypkyp y patwm nai mana tanrei ne ai mo?