SAM 127:2 - Khumi Common Language Bible

² Tlang heng ai nai i vui khawn angthodyh ang thau iy, veng na nai pa-rei akawm parai naimy kalop sa nai py atyhtyh teu. Ati mana nai mo nabaly Areng ly mymy i tamen nai khumichi i nai thym khala, nichi i ngai nairachi pei pi nai deaungkho y ne.

SAM 127:2 Iomraidhean Croise

JOBA 11:18

Nang ly tlamsa naimy awm iy, athang khai naira awm ai. Tameuh ly nang ai ang kry iy, ka-kawm rym hai ai.

SAM 3:5

Areng ly kai ai vum torei kry nai deaungkho y, aseaung naimy i-nem ai nai nga bo.

SAM 4:8

Kai ly aseaung nai khala y awmnem naimy i nem bo; aw Areng, nang naini kai ai chymme naimy awm ai nai pei nai ne.

SAM 60:5

Nang i sa thai naira hawimy kaichi ai atleu kyh ba; tamen nai khumichi ly atleura nga hai ai nai, kaichi i chiu sa hnei takeng nai tangai pi kyh ba.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

Parip nai leu 1:14

Kai ly hini khaileaung pri y khumichi i sa nai ngiereichi kaniu chum bo. Kaimy kang thui pi ai; huni bawibawichi ly atyhtyh teu, ali ai patiu nai kamta ne.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

Parip nai leu 5:12

Kalop sa nai khumi ly kajeu kawi pa-rei cha ai nga nai py ne sy, cha ai nai ngo y nai py ne sy, i kamhm pei nai ne. Na i py khumi kanang ly nang chawn nai molam y paleung bi paleung mawn i, i kamhm pei y.

Parip nai leu 6:7

Khumichi ly kajeu ka-rei i vui kalop sa u teu i py, mana khala py kajeu kawi pajau y.

JEREMIA 31:26

Hunaibaly khumichi my, ‘Kaichi ly i nai bo y, khesere naimy anglaw bo,’ nanai thui u ai.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.