SAM 12:3 - Khumi Common Language Bible

³ Aw Areng, palo hawp reng nai palaichi takip veng ba! Amlyh reng nai khumichi i labeaungchi py tamym pi vui ba.

SAM 12:3 Iomraidhean Croise

JOBA 32:22

Kai ly mana palo hawp nai leu katheu ai mo, nanai malawn py pany y. Kai ly palo haw nai leu katheu lawh teu baly, Tameuh my kai ai vaimy pajeng sy.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

SAM 17:10

Nichi ly pahen nai paleung by y naimy, amlyh am-e nai leu katheu u.

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

THEU NAI 15:9

Paleung ka-ei my, ‘Kai ly nichi ai kai pa-rei hui iy katiu ai; nichi teng i nga nai yhmtheaung katuichi ly amji iy, kaimy i ngai nai ngierei kala ai; kai i haisau aphiu iy nichi ai katamyh pawn ai,’ nanai thui nai ne.

LEU KACHENG 18:21

Nang i katheu nai leu ly heng hai ai nai, dei hai ai nai sa thai naira awm. Hunai deaungkho y nang ly nangmy i katheu nai leu kamta hawi nai hawi y nai avum ai.

LEU KACHENG 26:24

Khumi kahawi amlawn reng nai khumi ly kapalo leu hawimy, my i niu ngai y nai paleung ai taphum vui nai ne.

ISAIA 10:10

Myn y chiu nai prichi ai kapajeng ai nai kai i kiu pheu bo. Huni pri y ly Jerusalem mary hawi Samari marychi tleaung y mynchi nawi parai nai ne.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

JEREMIA 12:6

Nang i yhm dengtheungchi hawi, nang i amjo amnauchi my malawn py, nang i tlang tleaung y ka-ym by y lawh bo. Nichi ly nangchi i makeng mang y abawi iy, nang ai hang hai bo. Nichi ly nang ai leu katheu hai teu i py, nichi ai nang ly ym moh,’ napi.

JEREMIA 9:8

Nichi i palai ly dei asi kaleu nai thailiho chyn hawi atawm. Nichi ly li-tapawp nai leu avawrei katheu u nai ne. Khumi luteng ly amy i yhm deaungpachi teng y leu katui katheu reng teu i py, katheu tatang nai ly nichi i vui deaung pateung pi nai leu ne.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 28:9

Nang ai padei ai nai khumichi i mo y, nang ly tameuh ne, nanai angam veangveang ai rai a? Nang ai padei ai nai khumichi ang jeu nai khala, nang ly tameuh ny y bo i, khumicho naini lawm ai bo.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

DANIELA 7:8

Huni takichi ai khen nai thym khala, hunichi sala i taki katheang harei theu nai kaniu. Huni taki katheang my, awm yb nai taki thomrei ai takheaung vui nai ne. Huni taki katheangra y khumi kamta meichi hawi, amlyh reng nai labeaung awm.

MALAKHI 3:13

Areng my, “Nangchi ly kai i satang ai hawi y nai satangchi palawn iy thui u bo. Na i py nangchi my, ‘Kaichi ly nang i satang ati mana kathui u mo?’ nanai deng u.

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

AMTENG HAI NAI 13:5

Naibaly leu akawi kalen hawi Tameuh ai thui tamawn nai leu thui nai labeaung ni teng y pei bo: naibaly lo vui palyh pa-ngo lo nyhrei sala y aly peang ai nai ni teng y leu au bo.

1 SAMUELA 2:3

Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.