SAM 12:2 - Khumi Common Language Bible

² Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

SAM 12:2 Iomraidhean Croise

SAM 10:7

Nichi i labeaung ly pasawi nai, tapawp nai, pajei pahyn naichi kawi na. Niu ngai y nai leu hawi chai y nai leu katheu tamangtang bo.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 144:11

Pahyp y naimy ana nai paleung ka-echi teng i nai kai ai atleu pi kyh ba; pri takhra khumichi kiu i nai atleu kyh ba; huni khumichi ly mana khala py leu kateng katheu u vai y; vaineng tleang i malawn py, ka-chawi thui u reng naichi ne.

SAM 144:8

Huni khumichi ly mana khala py leu kateng katheu u vai y; vaineng tleang i malawn py, ka-chawi thui reng naichi ne.

SAM 28:3

Hawi y sa nai khumi kamngochi hawi vanrei, kai ai pajeng moh kyh ba. Nichi ly leu tui teu i py, niu ngai y nai paleung awm u nai ne.

SAM 38:12

Kai ai padei ai ngai naichi ly deaungchi pateung u bo. Kai ai patang hai ai ngai naichi ly ang pajei u nai ne. Nichi ly kai ai padei ai nai avawrei patym u bo.

SAM 41:6

Kai teng jeu iy khen u nai khumichi ly paleung ka-dawn kahawi awm nai khumichi ny y; nichi ly kai i satang hawi y naichi hau nai, meingtym tleirei y chei iy thui u reng nai ne.

SAM 5:9

Kai i paleung ka-echi i leu ai ly mana khala py ym ai nai ngo y. Nichi teng y taphra ai ngai nai paleung naini awm khyh. Nichi i labeaung ly am-eaung yb nai tavau pa-kho hawi atawm; nichi i palai py jypjyp naimy tapawp paryp reng nai ne.

SAM 55:21

Ni i leuchi ly thobai tleaung y panai iy, ni i paleung theung y ly niu ngai y reng nai ka-dawnchi awm; ni i leuchi ly asitui kamta panai i py, chiu parai nai haisau kamta, tamokalem nga hai reng nai ne.

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

SAM 62:4

Nangchi ly ni ai tahm asang naira i nai paka vui ai naini dawn tau u; nangchi ly katapawp leu katheu ai nai ngai u. Ni ai labeaung mang amtheaungra pei iy, paleung theung y ly pasawi u bo.

LEU KACHENG 20:19

Ka-preaung leu katheu reng nai khumi ly amkyn ai avo nai leuchi mana khala py am-yh pajau y. Huna nai y khri pa-rei leu peung nai khumichi teng i nai asyn vui ba.

LEU KACHENG 20:6

Khumi luteng ly amymy ai ka-ym awm, nanai thui u teu i py, meitang khyp, ka-ym awm nai khumi ai hau i, avum thai y lawh ly!

LEU KACHENG 29:5

Amy i ahawichi ai palo hawp reng nai khumi ly mymy i vui y deaung pateung nai khumi ne.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

JEREMIA 9:8

Nichi i palai ly dei asi kaleu nai thailiho chyn hawi atawm. Nichi ly li-tapawp nai leu avawrei katheu u nai ne. Khumi luteng ly amy i yhm deaungpachi teng y leu katui katheu reng teu i py, katheu tatang nai ly nichi i vui deaung pateung pi nai leu ne.

Ezekiela 12:24

Israela chengchi theung y ka-chawi naimy paleung mei y niu naichi hawi, teng y nai amo leu pei naichi tym bi ai ny y.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

I THESALONIKA 2:5

Naibaly nangchi my pany u chum nai kamta ly kaichi ly palo hawp nai leu mo, heu nai paleung ano naira mo tlen py teaung vai y; Tameuh my pany hai nai keung lawn bo;

JAKOB 1:8

Areng teng y ati sai py nga ai nai athang khai moh sy.