SAM 113:3 - Khumi Common Language Bible

³ Kani kasi mang dengdairei, kani kadym mang khrairei Areng i amyn palo u sy!

SAM 113:3 Iomraidhean Croise

SAM 18:3

Kai ly Areng teng y kahnei nai khala, mymy ly kai ai paleung ka-echi kiu i nai atleu bo. Areng ai ly palo u!

SAM 48:10

Meingtym tleirei y khumi bawibawichi ly nang ai palo u; nang i satang ly khaileaung pri verei y amthang nai ne. Nang ly leu meitang naimy peang bo.

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

ISAIA 24:16

Achi ly leu meitang teaung nai Israela chengchi ai, khaileaung khuteng takira y awm nai khumichi my palo nai khulym raawichi thai u ai. Na i py kai ly athang khai naira by y i, bengtlairei kaawm nai khyh bo ly! Ka-ym by y nai khumichi ly leu tangai y jojo i, tamangra tamangra nai ne.

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.