SAM 112:4 - Khumi Common Language Bible

⁴ Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 112:4 Iomraidhean Croise

JOBA 11:17

Nang i heng nai ly kanithun teng nai kani tleaung y malawn py, angvang keh ai. Veng nai neng py khutawi mo kamta, angvang phang ai.

JOBA 22:28

Nang ly dawn tau nai kamta eaung ai. Nang i heng nai deung ly kangvang angvang phang na ai.

JOBA 29:3

Huni neng khala Tameuh ly kai hawi vanrei awm nai ne. Kaveng theung y tako nai thym khala py, kai ai kangvang ang pei.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 116:5

Areng ly hawi i pahen; achi i Tameuh ly pahen nai keung ne.

SAM 145:17

Areng ly mymy i sa nai leaungsai ngiereichi ra y, hawi naira hawi pahen naira py amteng nai ne.

SAM 37:6

Nang i hawi naira ai kanithun kani kangvang kamta, angvang phang hai ai.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

LEU KACHENG 21:21

Neaung hawi iy pahen reng nai khumi ly heng sau ai. Khumi takhra my tahm khai ai i, hawihai palai my amkawm ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 58:10

kajeu alam nai khumichi ai teicha teinei pacho iy, avaw nai khumichi i kangai pei u ai nabaly, nang i kangvang ly nangmy tengpang sahawi i kaveng ai angvang hai ai. Nang i vum kaveng ly kanithun kangvang kamta lawm ai.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

LUKA 6:36

Ngampo ly amichi ai pahen nai kamta, nangchi py pahen u teang.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

EPHESI 4:32

Naibaly ako leungtang nai neaung hawi nai awm u ly, Tameuh my Krista y ang pahen nai kamta ly apahen u.

EPHESI 5:15

Hunaibaly nangchi ly khumi cheng y naichi kamta awm u y naimy, khumi kachengchi kamta awm u iy, nangchi i tako nai sai amkym u;

EPHESI 5:9

Areng i kawn nai ly ati mo, nanai cham iy, kangvang i chanauchi kamta tako u;

I JOHAN 2:29

Mymy ly kahawi ne, nanai nangchi pany baly ami py kahawi sa nai ngierei ly mymy i tapen nai ne, nanai nangchi pany mang.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.

I JOHAN 3:7

Bechi awi, ami my py nangchi ai tapawp ai nai pei u moh; mymy ly kahawi ne nai kamta, kahawi sa reng nai keung ly kahawi ne teang: