SAM 100:3 - Khumi Common Language Bible

³ Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 100:3 Iomraidhean Croise

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

1 NENG SATANG 16:14

Areng ly achi i Tameuh ne; mymy i leu pei naichi ly khaileaung pri verei i vui ne.

JOBA 10:3

Nang i hina tanrei ana nai ly avo na a? Nangmy i sa nai sai ai paso y a? Khumi hawi y nai katauchi ai ly khen i, panuiyhm ai nai avo y a?

SAM 119:73

Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

SAM 12:4

Amlyh reng nai khumichi my, “Kaichi ly kaimychi i leu hawimy ngai nairachi kanga u; kaichi ly kaimychi i ngai nai kamta katheu ai; amimi py kaichi ai paka ai nai ngo y leang,” nanai thui u.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 78:52

Naibaly mymy ly mymy i khumichi ai beram typ keung kamta pahawi iy, daichi ka-vym tako hai prei bo.

SAM 79:13

Huna nai khala y beram kanghu napi nai nang i khumi kaichi ly kawn naimy avawrei kang palo jojo ai; katu chanau deungrei kang palo u jojo ai.

SAM 95:3

Areng ly nang parai nai Tameuh ne; tameuhchi bawibawi tleaung y nang parai keh nai samrang ne.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

Parip nai leu 12:1

Hunaibaly nangchi ly paleung phra nai neng kani tym nai khala y, “Kaichi amo theu naimy awm pajau y leang bo,” nanai thui u ai. Huni neng tym y rai nai saneng nau nai thym khala, amychi ai sa nai keung ai pany u jo ba.

ISAIA 63:11

Hunaibaly nichi ly jangni y Areng i miseaung Mosi i deung y adawn u vau i, “Mymy i khumichi i lu sa naichi ai pangli i nai atleu pi nai Areng ly ma y mo? Mosi ai sa thai naira pei patyp keh nai Areng ly ma y mo?

ISAIA 63:19

Nang ly kaichi i samrang ny y vui lawh nai kamta py, kaichi ly nang i khumichi ny y vui lawh nai kamta py, nang ly kaichi ai sa lawh bo.

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

Ezekiela 34:11

“Sa thai naira angym nai kai, Areng my nangchi teng y leu pei nai ly ahei khrikhra nai bo y pakym ali teang nai beramchi ai beram typ nai keung my kry nai kamta, kai ly kaimy i beramchi ai hau iy kry ai. Kani khaileaung veng nai neng kani y nichi ahei khrikhra nai meingtym tleireira i nai, nichi ai kapalau ali teang ai.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 4:19

Hunai deaungkho y Tameuh i avo hai nai kamta patang naichi ly atiti kahawi sa iy nichi i phailo ai ly Sa nai Keung ka-ym awm parai nai teng y au u sy.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.