SAM 10:8 - Khumi Common Language Bible

⁸ Nichi ly avangchi theung y aheu iy khumi kahawichi ai padei reng. Jeaungmang nai khumichi ai patang hai ai nai khen patawm reng.

SAM 10:8 Iomraidhean Croise

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

JOBA 24:14

Khumichi ai padei nai keung ly khutawi neng khala theu iy, khumi kamawnchi ai tleh reng nai ne. Ni ly vum y kangviu sa reng.

SAM 17:11

Nichi ly kai i chei naira tleirei y kai ai atlym pa-rei tapheu ai nai katanmeuh iy ajeng u.

SAM 94:6

Nichi ly neampachy lumaichi hawi, nurochochi ai padei u; kaichi i pri y awm nai angvynchi ai py padei u nai ne.

LEU KACHENG 24:15

Nang ly khumi hawi y naichi kamta, khumi kahawichi i yhmtheaung katui lawm ai nai py, ni i yhm ai keng vui ai nai py dawn moh.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

HABAKKUK 3:14

Nang i thailiho chyn ly tavailu areng ai ko nai pri leu vui bo. Ni i tavaimi kamkawm ly ali kamchai kamta, kaichi ai hm pawn ai nai ang jeu u. Nichi ly khumi kamawnchi ai ana pumpi nai khumichi kamta, khri pa-rei paleung ateng hai u bo.

LUKA 10:1

Naibaly huni pajau khala y Areng my khumi takhra leaung vui saryhreichi ai vawi i, mymy i chei ai tau nai avang tleirei hawi, meingtym tleirei y mymy i mo mang y leaung nyh leaung nyhrei ai pato.

LUKA 8:1

Naibaly hina nai ne, hunai bo y mymy ly leu thui ai nai hawi, Tameuh i peang nai Satang Kahawitym hai prei ai nai hawi, avang kalen y py avang katheang y py amki prei i, holai nyhreichi py mymy teng y awm.

TARA CHIH NAI KEUNGCHI 9:25

Sekhem mary i khumichi ly Abimelek ai kangviu y tiu ai nai, mawi saleung y tamcheaung khai u; tamcheaungchi ly chei kathiu, chei kalau nai khumichi i vawnsaichi lawm u bo. Huni satang ai Abimelek ly thai nai ne.

1 SAMUELA 22:18

Hunai deaungkho y Sawla ly Doka teng y, “Nang ly nichi ai tleh!,” napi baly Doka ly pathyp pi nai keung bawibawichi ai padei bo. Huni kani y Doka ly ephod amchiu nai Areng i pathyp pi nai keung leaung 85 reichi ai padei nai ne.

1 SAMUELA 23:23

Ni i aheu nai meingtym hawihai palai khen u patyp ly kai teng y satang thai hai praw; naibaly kai py nangchi hawi vanrei chei iy hau ai. Davida ly Juda pri y awm rai baly, kai ly Juda pri verei y kahau ai i, kapatiu ai,” napi.