SAM 10:7 - Khumi Common Language Bible

⁷ Nichi i labeaung ly pasawi nai, tapawp nai, pajei pahyn naichi kawi na. Niu ngai y nai leu hawi chai y nai leu katheu tamangtang bo.

SAM 10:7 Iomraidhean Croise

JOBA 15:35

Nichi ly amichi ai patang hai ai nai dawn tau naimy, hawi y sa nai khumichi lawm u ai. Nichi i paleung pathym ly avawrei li-tapawp nai hawimy kawi nanai ne.

JOBA 20:12

Ni ly hawi y sa nai ai, hawi pany nai deaungkho y my i palai tleaung y khai iy khreip, nanai pa-rei hawi pany thai nai ne.

SAM 12:2

Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

SAM 140:3

Nichi i palai ly thailai kaso nai pavui hawi atawm iy, nichi i leu ly thauvau i thailai hawi atawm nai ne.

SAM 140:9

Kai i paleung ka-echi ai eaung ai nai pei moh kyh ba; kai ai pajei nai leu thui nai ngiereichi ly nichi avum u sy.

SAM 144:11

Pahyp y naimy ana nai paleung ka-echi teng i nai kai ai atleu pi kyh ba; pri takhra khumichi kiu i nai atleu kyh ba; huni khumichi ly mana khala py leu kateng katheu u vai y; vaineng tleang i malawn py, ka-chawi thui u reng naichi ne.

SAM 144:8

Huni khumichi ly mana khala py leu kateng katheu u vai y; vaineng tleang i malawn py, ka-chawi thui reng naichi ne.

SAM 36:3

Ni i katheu nai leu ly chai y i, ka-chawi cheichei ne. Ni ly kahawi so y leang, tau kacheng py by y leang bo.

SAM 41:6

Kai teng jeu iy khen u nai khumichi ly paleung ka-dawn kahawi awm nai khumichi ny y; nichi ly kai i satang hawi y naichi hau nai, meingtym tleirei y chei iy thui u reng nai ne.

SAM 5:9

Kai i paleung ka-echi i leu ai ly mana khala py ym ai nai ngo y. Nichi teng y taphra ai ngai nai paleung naini awm khyh. Nichi i labeaung ly am-eaung yb nai tavau pa-kho hawi atawm; nichi i palai py jypjyp naimy tapawp paryp reng nai ne.

SAM 50:19

“Nang ly avawrei chai y nai leu katheu lawh; ka-chawi leu teaung ai nai mana khala py paniu vai y.

SAM 52:4

Tapawp nai khumi awi, nang ly nangmy i labeaung mang khumichi no-ei pa-rei thui ai nai ngai keh lawh ly!

SAM 55:21

Ni i leuchi ly thobai tleaung y panai iy, ni i paleung theung y ly niu ngai y reng nai ka-dawnchi awm; ni i leuchi ly asitui kamta panai i py, chiu parai nai haisau kamta, tamokalem nga hai reng nai ne.

SAM 58:3

Hawi y sa nai khumichi ly mymychi deungrei, tamang nairachi naini sa u khyh; nichi ly mymychi tapen khyp khala i my, ka-chawi leu katheu u reng nai ne.

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

SAM 59:13

nang ly kado theu iy, nichi ai tamyh pawn ba; myh kang na pa-rei taphra pawn ba. Huna nai khala Tameuh ly Israela chengchi ai peang naimy awm, nanai py, mymy i phum-ang ly khaileaung pri verei y ahei naimy awm, nanai py khumi bawibawichi my pany u ai.

SAM 62:4

Nangchi ly ni ai tahm asang naira i nai paka vui ai naini dawn tau u; nangchi ly katapawp leu katheu ai nai ngai u. Ni ai labeaung mang amtheaungra pei iy, paleung theung y ly pasawi u bo.

SAM 64:3

Nichi ly mychi i palai ai haisau kamta kata u; kapahenra by y nai leuchi, napi nai thailihochi pateung u yb bo.

SAM 7:14

Khumi hawi y naichi ly hawi y sa ai nai ati mana dawn pasym mo, nanai khen cham.

SAM 73:8

Nichi ly khumi takhrachi ai panui hai iy, chai y nairachi katheu u; paleung len iy khumi takhrachi ai ana pumpi ai nai dawn pasym u bo.

LEU KACHENG 21:6

Leu ka-chawi hawi nga nai yhmtheaung katui ly tui kamhui kamta tamo y rai khala, nang ai dei kho mang y ang vum hai reng nai ne.

LEU KACHENG 30:8

Kai i labeaung mang ka-chawi thui hai moh ba. Naibaly kai ai nang ai nai py, kamawn lawm ai nai py pei moh kyh ba. Hunaibaly kai i teicha teinei ngai nai ryrei phai pei ba.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

JEREMIA 9:6

Nichi ly kamngo sa ai nai khai su y. Nichi ly li-tapawp u tamyhtyh nai ne. Areng my mymy i khumichi ly kai ai khai su bo, napi.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

MATTHAI 12:34

Pavui i kangpreangchi awi! Nangchi ly kamngo awm iy leu kahawi mana thui u thai ai mo? Paleung y kawi palai nai ly labeaung y thui reng.