SAM 10:4 - Khumi Common Language Bible

⁴ Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 10:4 Iomraidhean Croise

ATITI AWM ANGCHEI NAI 6:5

Khaileaung pri verei y awm nai khumichi ly khumi aso y iy, paleung ka-dawn hawi y jojo nai sai Areng my niu nai khala,

JOBA 22:17

Nichi ly Tameuh ai khai su naichi ne i, mychi ai Tameuh my ati sai py so pajau y leang, nanai ym naichi ne.

SAM 101:5

Khumi takhra i hawi y sa nai satang ai, leu kamsyh y thui reng nai khumi ai ly nawi su veng ai; amlyh am-e naimy paleung asang nai khumi ai ly kham pi ai ny y.

SAM 18:27

Mymy ly paleung apanem nai khumichi ai atleu bo. Na i py paleung len amlyh nai khumichi ai ly tahm anem hai vui nai ne.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 36:1

Khumi hawi y nai i paleung theung y kamngo my ly kamsyh y dawn pasym pi bo. Huni khumi ly Tameuh ai khai su reng; mymy ai py jei vai y,

SAM 53:1

Khumi ka-khumchi my, “Tameuh by y,” nanai dawn iy athang khai u. Nichi bawibawi ly jawi tamang u iy, amso ngai naichi sa u; kateng sa nai khumi leaungrei py by y.

SAM 73:11

Nichi my, “Tameuh ly pany ai ny y leang; salo kangteng y awm nai keung ly niu pajau ai ny y,” nanai thui u.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

LEU KACHENG 21:4

Tahm apasang nai mei, amlyh am-e nai paleung hawi, hawi y nai sai bawibawichi ly kamngo ne.

LEU KACHENG 30:13

Phyrei khumichi ly mymychi ai khri pa-rei khumi kahawichi ne, nanai apalawn u reng. khrikhri pa-rei khumi kahawichi ne, nanai athang khai u lawh ly!

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

Parip nai leu 8:11

Khumichi ly ati mana nai y hinai kamta hawi y sa ai nai rai y na mo? Ati mana nai mo nabaly hawi y sa nai ai tara chih pi kaliki y nai deaungkho y ne.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 3:9

Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

ZEPHANIAH 1:12

“Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

MARKA 7:21

Taku theung i nai khumi i paleung theung i dengdairei ly kamngo dawn nairachi theu reng:

AMTAW 8:22

Hunai deaungkho y nang i kamngo uikhei ly,. Areng teng y chiu so, hunaibaly nang i paleung y nang i dawn nai ly ang pahen pi lym ai mang.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

EPHESI 2:12

hunai thym khala y nangchi ly Krista ai pany y nai, Israela kamkawm hawi akhawi takhra nai, khaileaung pri y athang khai naira pipi by y nai hawi, Tameuh ny y naimy awm u iy, adeu nai leu maikawmra y angvyn y awm u nai ly pany u jojo.

Leu Thui Nai 8:14

nangchi ly amlyh am-e iy Aikupta pri miseaungra i nai atleu pi nai keung, nangchi i Areng Tameuh ai tami y ai nai dawn u.