SAM 10:2 - Khumi Common Language Bible

² Khumi aso y naichi ly amlyh am-e naimy, khumi kamawnchi ai ana u bo. Mychi i pateung nai deaungchira y man hai ali teang ba.

SAM 10:2 Iomraidhean Croise

SAM 109:16

Huni khumi ly mana khala py, pahen ai nai ka-dawn by y; ni ly khumi kamawnchi, kamawn katichi hawi jeaungmang naichi ai pahyp y naimy ana iy padei nai ne.

SAM 119:122

Nang i miseaung ai sabawm ai, nanai adeu nai leu pei kyh ba. paleung len am-e nai khumichi ai, kai ai ana ai nai pei moh ba.

SAM 119:5

Kai ly nang i leu pei naichi ai sau py takhawi y pa-rei, sa patawm ai nai khri pa-rei ngai parai nai ne.

SAM 119:69

Paleung len amlyh nai khumichi ly kai i satang ka-chawi naimy thui u bo; kai ly reitachi ai paleung hawi verei tangai nai ne.

SAM 119:85

Nang i reita leu tangai y nai paleung len amlyh nai khumichi ly kai ai patiu ai nai angawmchi tai u nai ne.

SAM 140:5

Paleung len amlyh nai khumichi ly kai i vui deaung pateung u; nichi ly kai ai patiu ai nai lam y mawipy jang iy tlaha sa u bo.

SAM 31:18

Paleung len amlyh naimy khumi kahawichi ai thui preaung reng nai khumi katapawpchi i labeaung ai tamyh vui ba.

SAM 36:11

Paleung len nai khumichi ly kai ai tiu ai nai hawi, khumi hawi y naichi ly kai ai paryh ai nai ngo u moh sy.

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

SAM 7:16

Hunai deaungkho y nichi ly mychi i hawi y sa nai molam y, pajeng naira avum u bo; mychi i khrukhra nai molam y tamo nga u nai ne.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

THEU NAI 9:17

Na i py nang ly tahm apasang veangveang i, kai i khumichi ai chei ai nai pei y lawh.

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.

ISAIA 14:13

Nang ly kani mang tym pa-rei lyn iy, asang keh nai ka-sichi salo y nangmy i samrang atehra khai ai nai leu pacheang yb bo. Nang ly tameuh takhrachi akachu u nai tosyh mang i mawi salo y samrang leaungrei kamta ateh ai nai nga ai, nanai athang khai bo.

ISAIA 14:16

Khumi kadeichi ly nang ai khen mynkym u ai. Nichi my, “Khaileaung amchyh hai iy prichi ai khrukhra hai nai keung ly hini khumi lawh ai?

JEREMIA 43:2

Hoshaiah i chapo Azariah, Kareah i chapo Johanan hawi takhra paleung len amlyh nai khumi bawibawichi ly kai ai, “Nang ly ka-chawi leu katheu nai ne. Kaichi i Areng Tameuh ly kaichi ai Aikupta pri mang y chei moh, nanai thui pi ai nai nang ai pato nai ny y.