SAM 10:1 - Khumi Common Language Bible

¹ Aw Areng, nang ly ati mana nai kamlo y awm vui lawh mo? Kaichi patang naira vum nai thym khala, ati mana nai y meimai hi pi vui lawh mo?

SAM 10:1 Iomraidhean Croise

JOBA 13:24

Nang ly ati mana nai, kai teng i nai meimai hi pi vui lawh mo? Ati mana nai y paleung ka-e kamta, kai ai dawn lawh mo?

JOBA 23:9

Tameuh ly tosyh ngan tokalawi ngan mang y, kalopchi sa naimy awm; na i py mymy ai kai avum y.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 22:1

Kai i Tameuh, aw kai i Tameuh, ati mana nai kai ai khai su lawh mo? Sabawmra nga ai nai kai ly aeu bo; na i py vai khrairei sabawm y rai.

SAM 27:9

Kai teng i nai meimai hi vui moh kyh ba!,” Kado theu moh kyh ba. Nang i miseaung kai ai sabawm nai keung ne. Kai ai atleu keung aw Tameuh, kai ai khai su moh kyh ba. Kai ai aphi su moh kyh ba.

SAM 30:7

Aw Areng, nang ly kai ai hawi hai bo. Mawi salo i lengseaung yhm kamta, kai ai khaw hai bo. Na i py nang ly kai ai meimai hi pi vui nai khala y, kai ly jei hyn nai ne.

SAM 44:24

Nang ly ati mana nai y kaichi teng i nai meimai hi pi lawh mo? Kaichi i no patang nai hawi, ngari kamtangchi ai tami pi veng moh kyh ba!

SAM 44:25

Kaichi ly khaileaung y tym pa-rei tamyh naira avum u bo. Sum nai deaungkho y spryhra y atlym u bo.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 88:14

Aw Areng, nang ly ati mana nai kai ai khai su lawh mo? Ati mana nai y kai teng i nai meimai hi pi vui lawh mo?

JEREMIA 14:8

Nang naini Israela chengchi i vui athang khai naira ne. Kaichi ka-jeira avum nai khala y, atleu pi nai keung ne. Ati mana nai y nang ly kaichi i pri angvyn kamta, dymreichy jei khyh nai khuleaung angvyn amlawn lawh mo?

JEREMIA 14:9

Ati mana nai y nang ly mynkym vui nai kamta py, sabawm ai nai sa thai naira by y nai tavaimi risa kamta py, lawm lawh mo? Aw Areng, nang ly kaichi hawi vanrei awm khyp na a! Kaichi ly nang i khumichi ne i, khai su moh kyh ba,’ nanai takeng u bo”