SAM 1:3 - Khumi Common Language Bible

³ Huni khumichi ly tavo peang y prau nai neng tym baly athai iy ngam ajawi vai y nai keungchi hawi atawm. Nichi ly sa naira tleirei y eaung jojo reng nai ne.

SAM 1:3 Iomraidhean Croise

ATITI AWM ANGCHEI NAI 39:23

Theaung kry nai keung ly Josepha teng y kalop au nai bo y, mymy ly sai py dawn ai nai ngai bi y leang bo; ati mana nai mo nabaly Areng my Josepha ai awm hai nai deaungkho y, mymy i sa nai tleirei y eaung naira nga hai nai ne.

ATITI AWM ANGCHEI NAI 39:3

Areng my Josepha teng y awm hai nai deaungkho y mymy i kalop sa nai tleirei y eaung naira nga nai niu bo.

2 ARENG KEH 18:7

Hunai deaungkho y Areng ly ni hawi vanrei awm nai ne i, ni ly sa naira tleirei y eaung bo. Ni ly Asuria empara samrang i anui y kham pi y i, tiu lawh nai ne.

1 NENG SATANG 22:11

Naibaly Davida my, “Deang awi, nang i Areng Tameuh ly nang hawi vanrei awm hai sy. Adeu nai kamta nang ly mymy i vui Achura yhm sa nai amcheang sy.

1 NENG SATANG 22:13

Nang ly Israela chengchi i vui Mosi teng y Areng my pei nai reitachi ai kry baly, nang i dawn nai kamta eaung ai. Atho so ly ka-ym awm ba. Ati sai py jei moh.

2 NENG SATANG 31:21

Ni ly Achura yhm i vui sa nai kalopchira py, Reita leu pei nai ai kry naira py, mymy i Tameuh teng y paleung hawi tlang apei naimy sa nai deaungkho y eaung naira nga nai ne.

2 NENG SATANG 32:23

Khumi neangneangchi ly Areng i vui katalamrachi hawi, samrang Hezekia i vui langseaungchi py, Jerusalem mary y syn pi u bo. Huni neng dengdairei Hezekia ly pri takhrachi i mo y, tahm asang nai ne.

JOBA 14:9

tui lei pi baly keung dichy kamta sai pati ai.

JOBA 22:28

Nang ly dawn tau nai kamta eaung ai. Nang i heng nai deung ly kangvang angvang phang na ai.

SAM 128:2

Nang ly nangmy i kiu hawi kalop sa naimy kajeu kawi ai; nang ly amo theu iy nang chawn ai.

SAM 129:8

“Areng ly nangchi ai amtheaung hai sy! Kaichi ly Areng i amyn y nangchi ai amtheaung naira kang pei bo,” nanai sahawi mang tako nai khumichi my nichi ai thui u ai ny y.

SAM 92:14

Huni dengkeaung keungchi ly keung reng teu i malawn py, athaichi athai iy apu parai naimy khaw jojo nai ne.

SAM 92:15

Hini ly Areng ly lei meitang ne, nanai py, kai ai ama hai nai keung ly hawi angym, nanai py pany hai bo.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 44:4

Nangchi ly hawihai palai tui nga nai achachi kamta, tui leaung nai tavo micheaung sahawi i paijeaung keungchi kamta, apu parai ai.

ISAIA 58:11

Kai py nangchi ai lam patei jojo iy, kani kabi jengha nai meingtymra y cha nei pawichi hawi kajeu kawi hai ai. Nangchi ai noso aho hai iy ham hai ai. Nangchi ly tui nga hawihai nai akhobai kamta py, mana khala py tui kang vai y nai tavo micheaung kamta py lawm ai.

JEREMIA 17:8

Huni khumichi ly tavo peang y prau iy tui awm nai mang y tangjyn pala nai dengkeaung keung hawi atawm. Huni keung ly ngamchi heng-yh jo nai deaungkho y, kanipui i kani kabi ai jei y. Kani khang khala py mawnra by y i, athaichi athai jojo reng nai ne.

Ezekiela 17:8

Na i py ngam hawi athai thawn nai kreip keung kahawi lawm thai ai nai, huni kreip keung ai ly khaileaung kahawi hawi tui awm nai meingtym y ui nai ne.

Ezekiela 19:10

Ngamhm ly tavo micheaung sahawi y ui nai kreip keung hawi atawm. Tui bym pa-rei nga nai deaungkho y huni keung ly ngam hawi athaichi pasu nai ne.

Ezekiela 31:5

Saitleang keung ly tui bym pa-rei nga nai deaungkho y, takhra keungchi tleaung y py asang; changpichi py lo nai ne.

Ezekiela 47:12

Huni tavo micheaung peang nyhreira y ly cha nei ai athai nai keung amjy cheaungkhangchi prau ai. Huni keungchi ly mana khala py ngam ajawi vai y, mana khala py athai avaw ai ny y. Huni keungchi ly Achura yhm dengdairei leaung nai tavo micheaung tui nga nai deaungkho y, lo tleirei athai kahawi athai ai. Huni keungchira i athaichi ly cha ai nai ne iy, huni i ngamchi ly khumichi no hawi ai nai teaung ai,” nanai ang napi.

Kati Nai 24:6

Amjynta na pa-rei prau nai unla keungchi hawi atawm; tavo peang y sa nai akhochi hawi py, Areng my ui nai akjaw keungchi hawi py, tui kangsa y prau nai saitleang keungchi hawi py atawm.

MATTHAI 13:6

na i py kani bi asang leng nai kha y ly ang i, tangjyn ngo y nai deaungkho y jei ryp veng.

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MATTHAI 21:34

Naibaly athai jaw ai nai neng kasa bo nabaly, mymy i athai nga ai nai akho kry nai keungchi teng y mymy i miseaungchi ai pato.

MATTHAI 21:41

Nichi my ly mymy teng y, “Huni khumi kamngochi ai ly ngari patang parai naimy tama hai iy, jaw ai nai neng tleirei y athai ly mymy teng y pei veangveang ai nai, akho kry nai keung takhrachi teng y kreip akho hlau ai nai vang pei iy au ai,” napi.

JOHAN 15:6

Ami py kaimy teng y awm jo y baly changpi aphi nai kamta aphi iy jei ai; naibaly phawm iy mai y aphi ai i kang ai.

Leu Thui Nai 28:8

“Nangchi i Areng Tameuh ly nangchi i kalop sa naira y amtheaung hai ai i, nangchi i chohpaichi theung y choh kawi hai meng ai. Mymy i pei ai nai pri theung y nangchi ai amtheaung hai ai.

JUDA 1:12

Hunichi ly nangchi hawi vanrei atamen nai pawi cha u nai thym khala y ly amtengru nai lengseaungchi ne: jei y naimy apacho nai beram typ nai keungchi ne:tui by y nai khupanym ai ali my hm naichi ne: athai by y nai ngam aau nai thengthai, tleng nyhrei dei nai, tangjyn khrairei akyn rau naichi ne:

AMTENG HAI NAI 22:2

Naibaly huni jangpang hi mang vai py hu mang vai py athai amjy holai nyhrei, lo tleirei y athai nai heng naira dengkeaung awm: huni dengkeaung i ngam ly cheng cheaungkhangchi ai hawi sa pi ai nai khai nai ne.