SAM 1:2 - Khumi Common Language Bible

² Nichi ly Areng i leu pei naichi tangai iy vum kanithun dawn ryhpatyh naira y amo theu u reng.

SAM 1:2 Iomraidhean Croise

ATITI AWM ANGCHEI NAI 24:63

Mymy ly dym mang y amki ai nai angam y theu i, kula-iuchi tako tapai nai niu.

EZARA 7:10

Ezara ly mymy deungrei Areng i Reita leu amtiu nai, tangai nai hawi atyp nai ne i, huni Reita theung y awm nai leu pei naichi hawi reita tanynchi ai Israela chengchi teng y patiu pi nai ne.

JOBA 23:12

Kai ly Tameuh my leu pei nai kamta, kasa jojo nai ne. Mymy i ngai nai kamta tako nai ne; kaimy i kangai tako y leang.

SAM 104:34

Mymy ly kai ai amo theu hai nai deaungkho y, kai i thui nai khulym ly mymy kawn pi sy.

SAM 112:1

Areng ai palo u! Areng ai jei kaji naimy tahm khai iy, Reita leuchi kry ai nai ngai keh nai khumi ly taham hawi.

SAM 119:1

Areng i Reita leu ai sa patawm iy, kamngo by y pa-rei heng nai khumi ly taham hawi.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 119:35

Kai ly nang i reita leu pei naichi tangai nai deaungkho y, huni reita leu pei naichi atyp pajau ai nai sabawm kyh ba.

SAM 119:72

Nang i pei nai reita leuchi ly kai i vui khaileaung pri i muku tangka bawibawi tleaung y vang teng keh nai ne.

SAM 119:92

Nang i reita leu ly kai i vui amo theu naira lawm y lawh baly, kai ly kaimy i avum nai ngari kamtang molam y dei ai nai ne.

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

JEREMIA 15:16

Nangmy leu pei nai khala y kai ly hawihai palai tangai nai ne. Nang i leu pei naichi ly kai i paleung ai kawn hai nai hawi amo theu hai naira ne. Ati cheaungkhang sa thai nai Areng Tameuh, kai ly nang i amyn apu nai ne.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

I THESALONIKA 2:9

Amjo amnauchi awi, kaichi i sa akawm nai sai hawi, khri pa-rei kalop sa nai sai ly nangchi ly pany jo mang; kaichi ly Tameuh i Satang Kahawi thui pi nai tarawi y nangmychi theung y ami ai py myn pho hai y ai nai vum kanithun kalop sa reng.

I TIMOTHEI 4:15

Nang i chawn reng naira khumi bawibawichi teng y amteng hai thai ai nai huni atitichira y atho si moh ly; hunira y ly hawihai palai apei.

II TIMOTHEI 1:3

Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.

JOSUA 1:8

Nang i chiu sa naira tleirei y Reita leu tajiu nai cha-iu avawrei phain ai nai tla. Huni cha-iu ai vum, kanithun phain amtiu iy, huni theung y abawi nai reitachi kry ai nai tla. Huna nai sa baly nang ly eaung naira nga ai.

I JOHAN 5:3

Achi i Tameuh ai tamen nai ly mymy i leu pei nai patawm nai ne; mymy i leu pei nai ly myn kaji pho hai nai ny y leang.