RUTHI 3:7 - Khumi Common Language Bible

⁷ Boaza ly cha nei chum baly, paleung amo theu naimy chajai chohleng pakheng achu naira y chei i aseaung bo. Naibaly Ruthi ly ni teng y chei jyn iy, kanih lei i kheu keung y aseaung nai ne.

RUTHI 3:7 Iomraidhean Croise

ATITI AWM ANGCHEI NAI 43:34

Josepha ly sabawira i nai teichachi ai, nichi teng y tha pi; Benjamin ly amjochi tleaung y phy pangrei nawi keh nga. Hunai kamta mymychi ly Josepha hawi vanrei amo theu parai naimy cha nei u bo.

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

1 ARENG KEH 21:7

Jezabela my, “Nang ly Israela samrang ny y a? Aseaung naira i ang thau iy amo theu naimy cho nei ba; Naboth i kreip akho ly nang i kiu y kaimy kang-au ai!” napi.

ESTHER 1:10

Pawi sa nai saryh kani tym nai khala samrang ly kreip hang nei nai amo theu nai thym y, mymy i sahawi y awm nai tli chum nai leaung saryhrei Mehuman, Bizatha, Habona, Abakatha, Zetha hawi Kakachi ai palau i,

SAM 104:15

amy ai amo theu hai nai kreip hang py, awm nai sai khesere hai ai nai olive asitui py, tlang atho lawm hai ai nai teicha teinei py, nga pajau nai ne.

Parip nai leu 10:19

Cha nei pawichi ly khumi ai amo theu hai; na i py paisa tangka by y baly, huni cha nei pawi so pajau y leang.

Parip nai leu 2:24

Khumi leaungrei i sa ai hawi keh nai kalop ly cha naimy, nei naimy amy i haura i nga nai yhmtheaung katui amtym ai nai ne. Na i py huna nai kamta awm ai nga nai py Tameuh i saho y nga nai ne, nanai kapany bo.

Parip nai leu 8:15

Hunai deaungkho y khumi ly amo theu naimy awm ai nai avo, nanai kapany vau bo. Ati mana nai mo nabaly hini heng nai deung y ni i vui amo theu naira ly cha nai, nei nai hawi amo theu naimy awm naichi naini ne. Ni ly hini khaileaung pri y Tameuh my pei nai heng nai ryrei atho sa naimy awm nai ly thui tlam ai nabaly huna nai cha nei amo theu naimy awm pajau nai ne.

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

TARA CHIH NAI KEUNGCHI 19:22

Nichi ly amo theu naimy awmnem nai thym khala y, mary theung i neampacho kamleaung phyreichi ly yhm katanmeuh iy, katheu atum u; yhmkeung miteaung pui teng y py, “Nang hawi vanrei abang nai khumi ai patheu pi; kaichi ly ni hawi apang ahawi ai nai ngai!,” napi u.”

TARA CHIH NAI KEUNGCHI 19:6

Naibaly meaungcha ampu nini ly vanrei ateh hawi iy cha nei hawi bo. Naibaly ampu my, “Vaini py i ly amo theu naimy awm rai,” napi.

TARA CHIH NAI KEUNGCHI 19:9

Ni ly my i aju katheang hawi miseaung ai palau iy tako ai nai enten nai khala ampu my, “Khen cham, kani ka-reu bo; vai tanarei baly veng ryp ai bo; hi y dymrei i iy, amo theu naimy awm rai; khawndam khawn angthodyh phai vawi u,” napi.

RUTHI 3:6

Naibaly Ruthi ly choh ati nai meingtym y chei iy amni i thui pi nai kamta hawihai sa bo.

RUTHI 3:8

Anenghyh y Boaza ly tlenrei khyhmy i anglaw vau i, engleng nai khala kheu keung y neampachy aseaung nai niu baly,