RUTHI 2:2 - Khumi Common Language Bible

² Kanirei nai khala y Ruthi my Naomi teng y, “Li choh tyn nai keungchi i khai su nai chohvuichi pakym ai nai, chei ai nai pei ba; kai ly huna nai chohvui pakym ai nai pei nai keung avum lym ai,” nanai takeng. Naomi, my, “Ngaawi awi, chei teu ba,” napi.

RUTHI 2:2 Iomraidhean Croise

ATITI AWM ANGCHEI NAI 32:6

Savaichi ly Jakob teng y tym u ali teang nai khala y, “Ngamjo Esaw teng y kaichi tym i, ni ly nang hawi avum ai nai ang jeu dudu veng bo. Mymy hawi vanrei khumi leaung chungvai palyhrei py hawi nai ne,” napi.

Levi 19:10

Kreip akhora i athai jaw be y nai athaichi ai py, jaw nai khala akhui bawi y nai athaichi ai py, pakym ali teang moh. Huni athaichi ly khumi kamawnchi hawi cheng takhrachi i vui pahai pi ai nai tla. Kai ly nangchi i Areng Tameuh ne.

Levi 19:16

Ami kangji nga ai nai leu ly ahei hai reng moh. Dei ai ataing nanai pa-rei tamang nai khumi ai tara chih nai thym khala, huni khumi mang y asa hai pajau nai pany naira awm lawh baly, apha y naimy pany hai pi ai nai tla. Kai ly Areng ne.

Levi 19:9

“Nangchi li hlaura i choh tyn baly ampheaung teng ka-kira i chohchi ly tyn u moh; tyn bawi y nai chohvuichi ai py tyn ali teang moh.

Levi 23:22

Nangchi choh tyn nai khala li ampheaung teng ka-ki chohchi tyn u moh; tyn bawi y nai chohvuichi ai tyn ali bi moh. Huni chohvui kamlaichi ly khumi kamawnchi hawi cheng takhra khumichi i vui pahai pi ai nai tla. Areng ly nangchi i Tameuh ne.

RUTHI 2:3

Naibaly Ruthi ly li y chei i, choh tyn nai keungchi nithun abang iy, nichi i khai su nai chohvuichi pakym achu bo. Ni i chei nai li ly Boaza i li apeh khyp nai ne.

RUTHI 2:7

Ni ly choh tyn nai khumichi nithun hui iy chohvui pakym ai nai kai teng y hnei i, khawn angthodyh i ka-so chohvui pakym nai ne; vai naini li biu y tanarei anawn nai ne,” napi.

1 SAMUELA 1:18

Hannah my py, “Nang i pei nai amtheaung naira kai teng y tym hai sy,” napi. Naibaly ni ly paleung awmnem naira nga naimy theu i, teicha teinei maidanrei cha bo