RUTHI 2:13 - Khumi Common Language Bible

¹³ Ruthi my, “Nang ly kai i tlang tleaung y khri pa-rei pahen bo; kai ly nang i miseaungchi tanrei ny y i py, nang ly leu khulym tui hai nai deaungkho y, kai ai paleung hawi hai na bo,” napi.

RUTHI 2:13 Iomraidhean Croise

ATITI AWM ANGCHEI NAI 32:6

Savaichi ly Jakob teng y tym u ali teang nai khala y, “Ngamjo Esaw teng y kaichi tym i, ni ly nang hawi avum ai nai ang jeu dudu veng bo. Mymy hawi vanrei khumi leaung chungvai palyhrei py hawi nai ne,” napi.

ATITI AWM ANGCHEI NAI 33:10

Jakob ly “Ny y leang, pahen parai naimy kai meimai kanga ai nai huni kai i langseaungchi ly lo pi kyh. Nang ly kai ai paleung kahawi my lamchung bo. Nang i meimai niu nai ly Tameuh ai niu nai kamta ne.

ATITI AWM ANGCHEI NAI 33:15

Naibaly Esaw my, “Kai i khumi phyrei nang teng y kang khai pi ai,” napi. Na i py Jakob my, “Nang teng y meimai kanga ai naini kang takeng nai teu; hunichi ly ngai y leang bo,” napi.

ATITI AWM ANGCHEI NAI 33:8

Esaw my, “Lam y kai i avum nai tawnbawi kanghuchi ly mana nai mo? Ati mana sa ai naichi mo? nanai deng. Jakob my, “Hunichi ly nang teng y meimai kang sa nai na a,” napi.

ATITI AWM ANGCHEI NAI 34:3

Na i py ni ly neampachy ai khrei ryp i, mymy mang y paleung apei thai ai nai parawi.

ATITI AWM ANGCHEI NAI 43:14

Benjamin hawi Simeon nini ai ang pei teang ai nai, ati cheaungkhang sa thai nai keung Tameuh my huni khumi i paleung ai py so pi sy; nangchi i amjo hawi Benjamin ai py vawi hai teang ai nai ang pei ai mang. Kai i chapochi tama lawh teu i py tamo teu jau sy,” napi.

2 SAMUELA 16:4

Samrang my Ziba teng y, “Mephiboseth i peang nai yhmtheaung katui ngiereichi ly nang teng y kang pei ai,” napi. Ziba my, “Kai ly nang i miseaung ne; kai ly nang teng y meimai ngo jojo sy!” nanai pathang.

LEU KACHENG 15:33

Areng ai jei kaji naimy tahm khai nai ly cheng naira amtiu nai ne. Tahm asang ai nai ngai nai khumi ly paleung apanem ai nai tla.

HOSEA 2:16

Huna nai khala ni ly kai ai Bala, nanai palau y naimy, juvo, nanai palau ali teang ai.

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

TARA CHIH NAI KEUNGCHI 19:3

Hunaibaly juvo ly ni ai mymy teng y vawi ali teang ai nai chei iy parawi ai nai adawn i, my i keaungngo kano kasau nyhrei hawi, miseaung ai hawi iy chei bo. Neampachy ly Levi theaung khumi ai yhm theung y kun ai nai palau nai khala ampo my niu i, amo theu naimy lamchung bo.

RUTHI 2:12

Areng ly huna nai molam y nang ai kawn nai vang pei sy; nang i abyh nai Israela chengchi i Areng Tameuh ly nang ai amtheaung naira angym pa-rei pei na sy!” napi.

RUTHI 2:14

Boaza ly biu cha nai neng khala Ruthi ai, “Jeu ly tako cho kyh rai, thaitho hangra tako bo iy cho ba,” napi. Naibaly Ruthi ly kalop sa naichi hawi vanrei ateh; Boaza my neampachy teng y changleung aheng tako maidenrei talam pi. Ruthi ly kajeu kawi pa-rei cha i, palai asai rai.

1 SAMUELA 1:18

Hannah my py, “Nang i pei nai amtheaung naira kai teng y tym hai sy,” napi. Naibaly ni ly paleung awmnem naira nga naimy theu i, teicha teinei maidanrei cha bo

1 SAMUELA 25:41

Abikaila ly khaileaung y tym pa-rei lu meung iy, “Kai ly ni i miseaung ne nai deaungkho y, ni i miseaungchi i kheu pasi ai nai angveirym nai ne,” napi i,