RUTHI 1:16 - Khumi Common Language Bible

¹⁶ Na i py Ruthi my, “Ni nang hawi amprei vui ai nai kai ai atho so hai moh! Kai ly nang hawi vanrei abang ai. Kai ly ni nang i chei naira mang y chei ai; ni nang i awm naira y kai py awm teang ai. Ni nang i chengchi ly kai i chengchi ne, nang i Tameuh ly kai i Tameuh ne.

RUTHI 1:16 Iomraidhean Croise

2 SAMUELA 15:21

Na i py Itai my, “Samrang awi, kai ly dei ai nai ne teu i py, samrang nang i chei naira tleirei y abang veangveang ai, nanai Areng i amyn y kai ly vaineng abeu bo,” nanai pathang.

SAM 45:10

Samrang i aju awi, kai i thui nai leu tangai ba. Nang ly nangmy i chengchi hawi, amjychi ai tami veng ba.

LEU KACHENG 17:17

Ahawi ka-dawichi ly avawrei atamen u reng nai ne. Patang naira avum nai khala, asabawm leungtang vai y nai amjo amnauchi ly ati hawira awm ai mo?

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

DANIELA 3:29

Naibaly leu cheaungkhang katheu nai khumi bawibawichi hawi pri tleirei i ami py ne sy, Sadraka, Mesheka hawi Abedanekochi i Tameuh ai tahm khai y nai leu thui lawh baly, huni khumi ai tawp piupa iy ni i yhm py, maidym satlawi lawm hai sy, nanai vai, kaimy leu pei. Nichi leaung thomreichi i Tameuh kamta, mani tameuh py atleu pajau y leang,” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

MATTHAI 8:19

Naibaly Reita patiu nai keung leaungrei ly jeu i mymy teng y, “Sara awi! Kai ly nang i chei ai naira tleirei y abang ai,” napi.

JOHAN 13:37

Petera my ni teng y, ‘Areng, ati mana nai vai py abang thai y mo? Nangmy i vui y kai i hengra kapei ai,” napi.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

JOSUA 24:18

Kaichi ly hini pri theung y kun u nai khala, mymy ly hini meingtym y awm nai Amori cheng bawibawichi ai patheu pi pawn bo. Hunai deaungkho y kaichi ly Areng ai naini chiu u ai. Mymy ly kaichi i Tameuh ne,” nanai pathang u bo.

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.

RUTHI 1:15

Naibaly Naomi my, “Ruthi awi, ngamjo ly mymy i chengchi hawi mymy i tameuh teng y vawi ali teang bo. Nang py ni hawi vanrei yhm mang y vawi teang jau,” napi.

RUTHI 1:17

Ni nang i dei naira y, kai py dei teang ai; huni tapreaung y kai py a-up teang ai. Kai ly deira my taprei nai ny y naimy, sai sairei molam y ni nang hawi amprei lawh baly, Areng my kai ai hawi y keh nai pajengra tym hai teu sy!” napi.

RUTHI 2:6

Kalop sa nai lu my, “Huni anglo ly Moba pri i nai Naomi hawi vanrei abang nai Moba neampachy ne.

RUTHI 4:15

Nang i lengngo ly nang ai tamen nai deaungkho y, chapo leaung saryhreichi tleaung y malawn py, nang ai ang kry nai neampachy ne. Vaini ly lengngo my katu neampacho ang tapen pi bo. Huni deaungdi ly nang ai heng hawihai ai i, nang miteaung cheang nai pajau pakhui y nai khala ang awm hai nem ai,” napi u.